(( كوم انتخب)

ضرغام العبيدي

الحوار المتمدن-العدد: 4381 - 2014 / 3 / 2 - 01:40
المحور: المجتمع المدني
    

الشاعر ابو عراق العبيدي

(( كوم انتخب))

بله فهمني شعجب ما تنتخب

شنهو أنت إنسان لوعايش كذب

روح للصندوك واثبتلك وجود
واخذ حقك عيب صوتك ينسلب
خلص بصوتك بقايا من الوطن
كبل ما كل خير شعبك ينهب
لاتكول أيصير تزوير انفجار
لاتطلع اعذار وادور سبب
انت ماهميت وانت الما رحت
وانت خليت البلد عايش رعب
بذنبك انت اليوم عايش هالعراق
وانت دخلت البلد بأتعس مطب
حقي من اعتب عليك وبيك
الوم وبس عليك اليوم اريد اعتب عتب
ليش خليت الحثاله الفاسدين
زمره من سراق بس بوك ونهب
ذوله ماهمهم اذا جاع الفقير
ذوله سوو بالبلد كل العجب
نريد منك تنتخب بس الشريف
انت قرر من يقودلنه السرب
لاتكلي بصوت واحد مو مهم
اقره امثال وتواريخ العرب
روح عالتاريخ واقرالك مثال
من حضارتنه البشر صابه العجب
الحطب في مفرده كسره سهل
واجمع الحزمه صعب كسر الحطب
يا اخي انت اختار شخص امجربه
وانت بيدك جيب ريس نصبه
شرط معروف شكثر حب العراق
وكون ما لمست ثيابه الشائبه
ولا تحركك طائفه والمن يعود
كون حب الوطن دينه ومذهبه

ودير بالك من نفس ذاك الجحر
كاس سمهم عيب نرجع نشربه
انريد ناس التعرف اتلم العراق
مانريد انعيد ذيج التجربه
والتشوفه ايريد ينقذ هالعراق
كله يا مية هلا ويا مرحبه
ايدي بيدك نمحي الام السنين
واني وانت اليوم بيت انرتبه
يله يا اخويه نصوت للاصيل وانت ابو الغيره .. عليك امرتبه
والله لو تختار واتصوت ابضمير ربي من يمه يرفعك مرتبة

#ضرغام_العبيدي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات