مينا امين
الحوار المتمدن-العدد: 4365 - 2014 / 2 / 14 - 15:46
المحور:
كتابات ساخرة
متعرفش ليه بقدرة قادر البنات العربيه وخاصة المصريه حولوا عيد الحب لعيد البنات !!
بدون مقدمات وبدون سابق ادله او انذار تلاقى كل واحده مستنيه خطيبها او حبيبها او جوزها او حتى صديقها يجبلها حاجه
ونسيت او عامله ناسيه ان عيد الحب مش عيد بنات لاعيد للحب عموما يعنى حبيبك كمان مستنى هديه ومستنى اهتمامك !
مش لازم الراجل اللى يبادر دايما ويبدأ ولو هتقولوا هو الراجل ولازم يبدأ يبقى انتم يابنات اللى عملتوا المجتمع الذكورى مش احنا
يعنى مترجعوش تانى تعيطوا وتطالبوا بالمساواه انا شخصيا فاضلى شويه وهطالب بمساواة الرجل بالمرأه لان شويه شويه المرأه حقوقها هتتخطى الرجل !
عيد الحب كمان مش للرومانسيه بس ومش للحب بين خاطب ومخطوبة او بين عاشق ومعشوقه
لا بين زوج وزجه وابن وابوه واخت واختها وصديق وصديقه وصديقته العيد ده هدفه يفكرنا بالحب ويخلينا نقدر الحب بصفه عامه
من وجهة نظرى المتواضعه العيد ده من اعظم واسمى الاعياد لانه يقدس اغلى واقدس علاقة بالكون وهى علاقة الحب
فياريت البنات يكونوا اكتر ايجابيه وبلاش سياسة الاحتكار العيد مش بتاعهم بس ولا ليهم بس
وميصحش يستنوا دايما الراجل يبادر ولازم يكونوا اكتر ايجابيه
عيد الحب للشباب والبنات
عيد الحب للجميع
Happy Valentine!!
#مينا_امين (هاشتاغ)
كيف تدعم-ين الحوار المتمدن واليسار والعلمانية
على الانترنت؟