روميو وجوليت

صموئيل ميشيل نسيم
(Samuel Michel Nessiem)

الحوار المتمدن-العدد: 4362 - 2014 / 2 / 11 - 23:02
المحور: الادب والفن
    

روميو وجوليت وليلي والمجنون
قصص في الحب والضحك علي الدقون
يعني أيه راجل يحب واحده وفي عشقها يكون مسجون
وواحد من الهجر يتنحنح ويتشحتف وتسيل دمعوه من العيون
ولا تقولي علي ملكة تنتحر عشان حبت الواد أنطون
وتسمع أشعار الغزل من فارس غامق اللون
وعشان حبيبته البت عبلة ممكن يرمي نفسه في نار الأتون
ويخوض معارك لوحده ضد قوي الكون
ديه قصص في الحب والضحك علي الدقون
انا قلبي زي العربية ماشي بصرامة القانون
عربيتي لاليها في الهئ والمئ ورغي التليفون
بس بقي حصل اللي حصل ولف القلب لفة دريكسيون
بت كده حبها القلب قبل ماتشوفها العيون
اسمها ..... لا مش هقول بس في المعني" محبوبة" من كل الكون
بيضا بياض لايتوصف مش في الشكل لا في القلب الحنون
وليها ياجدع هيبة زي اللي قاعد علي كرسي البنتاجون
وفي حشمتها لاليها في البدي والاسترتش ولا حتي الفيزون
أميرتي أنا ليها ضحكة تجلجل زي رنة التليفون
والشفايف قرمزي أحمر من كتر الدم المسجون
وهي لا تعرف حالتي ولا قادر أقول أني من حبها مطحون
هخلي حبي في أبعد حتة من القلب مدفون
يابت يا "محبوبة " هقولك كلام موزون
حبي ليكي يتكتب في رواية مش أقل من روميو وجوليت وليلي والمجنون
لا ده حبي ليكي أكبر من حب العيل لــــــ........ نفخ البالون
يادي الجنون هو قلبي بيتألم من حبك فعلاً ولاتعبي ده من آلام القولون ؟؟!!!!!!!!!!
يادي قلبي وعقلي المجنون
سايب حميري وبقري وعمال اكتب في كلام سحر العيون
ولما جه الامتحان كان المقبول مضمون
بس ولا يهمك المستقبل في ايد رب الكون
شايف نفسي مش طبيب بقري لا ماسح صحون في مصلحة السجون
يادي الجنون وقصص الحب والضحك علي الدقون

#صموئيل_ميشيل_نسيم (هاشتاغ)       Samuel_Michel_Nessiem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل