غرْبَتنَه اشما نوصفْ غرْبَه

ميسون نعيم الرومي

الحوار المتمدن-العدد: 4303 - 2013 / 12 / 12 - 08:40
المحور: الادب والفن
    

غرْبـَتـنـَه اشـمـا نـوصـفْ غـرْبـَه

ميسون نعيم الرّومي

غرْبـَتـنـَه اشـمـا نـوصـفْ غـرْبـَه – مـاي المـالحْ بـيـهـَه انـشـربـَه

غـرْبـَـتـْـنــــه ضـَيـَعـنـَــــه الديــــره

غـرْبـَتـْنـه الگــَعـْدَه إعـلـَه احـصيـرَه

غـرْبـَـتـْنـَــه .. المـا تـعـْرفْ جـيـرَه

بـَطـْرانـَه اوللكــُلشـي اتـْخـَرْبـَه – مـاي المـالحْ بـيـهـَه انـشـربـَه

***

الغـرْبـَه : خـلـْقـَتْ أجـنـاسْ

الغـرْبـَه : قـُصـَّه اوللنـاسْ

عـالـمـنـَـه اتـحـَـولْ كـَنـّاسْ

يـتـْعـَثـَرْ وامـضَيعْ دَرْبـَه – غـرْبـَتـنـَه اشـمـا نـوصـفْ غـرْبـَه

***

الغـرْبـَه فـَرْگــَــتْ لـِعـْيــالْ

بـِجـْنـوبْ واحــدْ واشـْمــالْ

بـيـهـه احـچـاياتْ اوأشـكـالْ

احـدَيـْـدَه اوماصـارَتْ ذهـْبـَه – مـاي المـالحْ بـيـهـَه انـشـربـَه

***

الغـرْبـَه نـاي اومـَبـحـــوحْ

الغـرْبـَه غـنـْوَة مـَجـْــروحْ

بـيـهـَه الغـِنـَه صـايرْ نـوحْ

وجـدانْ اوهالبـيـهـَه اتـْنـدّبـَه – غـرْبـَتـنـَه اشـمـا نـوصـفْ غـرْبـَه

***

الغـرْبـَــه اوهـالبـيـهَــــه العـازَه

وَصـلـَتـْنـَه اونـمـْشـي إبـعـكـازَه

صـورَه ابـغـيـَرْ إحـْنـَه البـروازَه

مـاي اوراكـِدْ صـرْنـَه ابـْشـَرْبـَه – مـاي المـالحْ بـيـهـَه انـشـربـَه

***

أَعـْمـارْ اوهـالتـرْكـضْ بـيـهـَه

مـَعـْلولـَه اومـنـهـو ايـداويـهـَه

شـقـْبـَضـنـَــه إمـنْ الغـرْبـَــه اشـْبـيـهـَه..؟

گـمـْرگْ هـالتـاخـذ بـالنـسـْبـَه – غـرْبـَتـنـَه اشـمـا نـوصـفْ غـرْبـَه

***

اشـهـايـدْنـَه اتـعـَلگــَتْ عَ الحـايط

تـمـَّــنْ وابـْجـدْرَكْ هـالشـايـط

الغـرْبـَه اتـشـچـَّـكْ بـِـمـْـخـايـط

والمـخـيـَط مـنْ يـنـْغـَزْ..صـَعـْبـَه – مـاي المـالحْ بـيـهـَه انـشـربـَه

***

بـالغـربـَه اتـْعـَلـَّمـْنـَه السـكـتـَـه

شـَگْ اچـْبـيـرْ اوفـَنـَّـكْ رفـفـْتـَــه

كــُلْ سـاكـِتْ وامـخـَيـّط شـفـْتـَـه

واشـْمـالـَه مـايـدْري ابـْغـَرْبـَه – غـرْبـَتـنـَه اشـمـا نـوصـفْ غـرْبـَه

***

الغـرْبـَه اشـْعـيـَط إبـنْ امـْعـيـَط

والصـايـــــعْ جـَرّارْ الخـيـَــــط

والطــَيـبْ يـمـْشـي اويـَه الحـيـَط

ظـلاّمْ اوبـالغـرْبـَه اتـْنـهـبـَه – مـاي المـالحْ بـيـهـَه انـشـربـَه

***

الغـرْبـَــه لـَفـَّــتْ أشـْكـالْ

مـِنْ التـاجــــرْ للحـَمـّــالْ

مـنْ هـالمـالْ اوحـَمـلْ اجـْمـالْ

بـالغـرْبـَه اولـعـْبـوهـَه اللعـْبـَه – غـرْبـَتـنـَه اشـمـا نـوصـفْ غـرْبـَه

***

12 / ديسـمـبـر 2013

ســــــــتوكـهـولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل