أم .. اسْليَمانْ

ميسون نعيم الرومي

الحوار المتمدن-العدد: 4268 - 2013 / 11 / 7 - 10:24
المحور: الادب والفن
    

أم.. اسـْـليـَمـانْ

مـيـسون نعيم الرّومي

أردْ اسـألْ امْ اسـليمـانْ – عـَنْ رَجـلچْ چـاويـَنـَه اوچـانْ

عَ الفـيـَسْ البوكْ اوللغـبـْشـَه – هاليـرْدَحْ وَيَّ النـسـْـوانْ

نـامي واتـْغـَطي للصـبـحْ

ما غـَزَّرْ اويـاه المـلــــحْ

مـَشـْغـولْ كل ليـلـَه رَدحْ

جـامـعـْهـه أشـْكـالْ اوأَلوانْ – للغـبـْشـَه وَي النـسـْـوانْ

***********

من الصبحْ حتى الظهرْ لليـّـل يلعَبْ داتـَه *

امگابلْ افلانْ الصبحْ وامچـّـلـّبْ ابـْشفلاتـَه

امْبـَغـبـغـَه اعيونـَه وَرَمْ يچذبْ ابألله اوذاتـَه

انجـيلْ والگـنـّزَه حِلــَفْ ـ ويـّاهـَه طــَبْ القـرآنْ ـ

ـ هاليرْدَحْ اوَيَـه النسـْـوانْ

***********

كـاتِـب أسمـاء ابـمـوبــيـل*

مـَگـْـلوبـَه اومـابـيـهـَه دَلـيـلْ

حـَمـْديـه اوصارَتْ حـَموّدي ـ نـوريه المـَسـكينـَه نـَبـيلْ

مـگـْـلوبْ اوعـِنـْدَه العـِنـوانْ - للغـبـْشـَه وَي النـسـْـوانْ

***********

يـنـْسـَه المـوبـيـل اعـْـلـَه المـيـَزْ

مـَرعـــوب خـايـِــفْ فـِـــزّيـز

مـِتـوَتـّرْ نايمْ وايـچـز* ـ يـرعِش كلـّه اوصار افريـز

مـِتـْلبـّسْ بـيه الشـيـطانْ - هاليـرْدَحْ وَي النـسـْـوانْ

************

مـَشـدوه نـاسيـه الحـَچـي

بـَحـلقْ ابـْمـَيـلـَه اومـنـتـچـي

چـَذّابْ رَجـلچْ سـَخــْتـَچـي

دايـحْ ايـفـرْ عَ النـسـوانْ - جـامـعـْهـه أشـْكـالْ اوأَلوانْ

***********

إيـمـيـَلـَه مـَحـْفـوظ ابـْحـَذرْ

عَ الشاشـه مـَمـْنـوعْ النـَظـَرْ

مـَلزوگْ بـالـــداتـَه شـَـهـَـرْ

يـتـحـَجـَجْ دومـَه اوتـَعـْبـانْ – بـَسْ يـرْدَحْ وَي النـسـْـوانْ

************

احـْبـَيـبـَه اوإسـْمـچْ هـالصـارْ

يـغـْـلـَط وايـگـِلـّچْ : عـَشـْـتـارْ

عـصـفور اومِـن كـفـّـي طـار

شـيـبـاتـَه اومـَصبوغـَه الـوانْ – للغـبـْشـَه وَيَّ النـسـْـوانْ

***********

ذبـّـان گـاعِــد وايـْنـِـش

رشــّـاش بـالسـانـَه ايـرشْ

يـصـَرّخْ .. كافـي بـَس اوإشْ

دومـَه اويـتـأفـأفْ زَعـْلانْ – مـَسـرورْ وي النـسـوانْ

************

يـِنـْدبْ اويــِلعـَنْ حـَظــَّه

مـَچـْلـوبْ چـَـلـبَـه اوعـَضَّه

حـيـّـال اودايــس حـظـّـه

دايـخْ لـفـَنـْدي اوهـَيـْمانْ - – بـَسْ يـرْدَحْ وَيَّ النـسـْـوانْ

************

حـطـّي الأكـلْ شـيـلي الأكـلْ

نـايـم اومتـغـطـّـي ابعســَل

يـَزعـَلْ اويـزهـگ بالـعـَجــَـلْ

كـاره نـِعـمـتـَه اوفـَسـْـگانْ – للغـُبـْـشـَه وَي النـسـْـوانْ

***********

2013 / نوفمبر/ 6

ســـــــتوكهولم

*كومبيوتر في الغه السويديه

*مـوبــايـل

*يضغط على اسنانه

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل