مِنْ يشْتريهَه بَغْدادْ

ميسون نعيم الرومي

الحوار المتمدن-العدد: 4280 - 2013 / 11 / 19 - 00:16
المحور: الادب والفن
    

مـِنْ يـشْـتـريـهـَه بـَغـْدادْ
ميسون نعيم الرّومي

مـازادْ صاحـَوْ مازادْ - مـِنْ يـشْـتـريـهـَه بـَغـْــدادْ
بـَغـْدادْ بـنـتْ المنصورْ- باعوهـَه كـُلهـَه الأحـْـفـادْ
بغداد الگــَطــّعـَتْ بيــهـَه اسـْـــــيــوفْ
بـيــهـَه الـغـُرُب كـِلهـَـه اتـْحـوفْ
مـو كـافــي كاتـِـلـْـنـَـه الخـوفْ
مَـرْبـودَه انـْربـْدَتْ أحـْلـَه ابـْلادْ – مـازادْ صاحـَوْ مازادْ
مـِنْ يـشْـتـريـهـَه بـَغـْدادْ
*************
بـَغـْـدادْ ويـَــنْ اهـْـلـچْ ويـــــنْ
كــَرْخْ اورصافـَه الصوبـيـَــنْ
مـَشـْبـوچـَه زيـنْ اويـَه الشـيـنْ
انـْبـاعـَتْ شـَـلـعْ لـلجـَلادْ – بـاعـوهـَه كــُلهـَه الأحـْفـادْ
مـازادْ صاحـَوْ مازادْ
************
شـَط العـَرَبْ هالبـاعـوه
مـي الفـراتْ الـكـرْمـوه
دجـْلــَه صَفـحْ هالداروه
عـَديـَنـَه اوتـاهـَتْ لـَعـْدادْ - مـازادْ صاحـَوْ مازادْ
مـِنْ يـشْـتـريـهـَه بـَغـْدادْ
************
ماكـوْ زَرعْ .. صارَتْ بـورْ
بـَغـْـــدادْ مـَلـْيـانـَه اگــْبــورْ
تـصْرَخْ اوتـبـْچـي امنْ الجـورْ
جـَلادْ يـورثْ جـَلادْ - بـاعـوهـَه كــُلهـَه الأحـْفـادْ
مـازادْ صاحـَوْ مازادْ
***********
بـَغـْــدادْ أمـَّـــكْ نـَواسْ
بـيـهـَه الأدَبْ كـُـلـَّه انـداسْ
والـفـاسْ طايـحْ بـالـراسْ
والعـيـشـَه صارَتْ بالكـادْ - مـازادْ صاحـَوْ مازادْ
مـِنْ يـشْـتـريـهـَه بـَغـْدادْ
************
عـيـشـَـة قـَهـَرْ گــَدْ ابـْگــَد
ثـَرواتْ ضاعـَتْ واشـْگــَد
لاتـنـْحـسـبْ لاتـِـنـْعــَــد
مـزروفْ جـيـَبْ الأسـْـيادْ- مـِنْ يـشْـتـريـهـَه بـَغـْدادْ
باعـوهـَه كــُلهـَه الأحـْفـادْ
************
لاحـَظ اولابـَخـَتْ هالحـْكامْ
صَخـْمـَـوْ بـَلـَدْنـَه بـصْخـامْ
حـَضْروْ يـَـنـاسْ الأبـْـلامْ
مطرَتْ اوغـَرْگــَـتْ بـَغـْدادْ – مـازادْ صاحـَوْ مازادْ
مـِنْ يـشْـتـريـهـَه بـَغـْدادْ
************
بـلـْعـوهـَه كــُلهـَه بـَغـْدادْ
نـبـْچـي اونـِعـدْ بالاجـدادْ
مـازادْ صاحْ ابـَغـْــدادْ
حـَجـاجْ يـحـْكــُمْ بـَغـْدادْ - باعـوهـَه كــُلهـَه الأحـْفـادْ
مـِنْ يـشْـتـريـهـَه بـَغـْدادْ
************
بـَغـْدادْ العـَزيـزَه الضـاعـَت
يـاوَسـْفـَه كـُلهـَه انـبـاعـَتْ
مـَهـْضـومـَه تـبـْچـي اوصـاحـَتْ
لهـنايَـه ولـَكْ .. بـَـسْـكـمْ عـادْ – بـعـتـوهـَه كـُلهـَه بـَغـدادْ
مـازادْ صاحـَوْ مازادْ - مـِنْ يـشْـتـريـهـَه بـَغـْدادْ
************
نوفمبر / 2013
ســــتوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل