[اشترك في قناة ‫«الحوار المتمدن» على اليوتيوب]

قائممقام طويريج...... لِگن چعب بريچ

سرمد علي الجراح

الحوار المتمدن-العدد: 4296 - 2013 / 12 / 5 - 17:03
المحور: كتابات ساخرة

يقوم قائممقام عراقنا العرقان بقفزه الى قم المقدسه,
وبعد ان يقاقي براحته, ويزور قبر الصحابي الجليل أبو لؤلؤه!! لوأد الفتنه الطائفيه في ساحل النعاج!!!
سيقابل آية الله, قل أعوذ برب العرق, مرشد الهلال الخصيب, وماجاورهم من برياني أو زبيب, السيد علي بن خامنئي صلوات الله عليه وعلى اله وسلم.
فبعد ان يوگع على يده الكريمه ويبوسها, كما فُرض على اللذين من قبله
سيدخل مع مرشد الصف في اجتماع مغلق, لأكل وجبة فسنجون بلحم الهراتي* المذكور في اغنية القيصرالركن فاضل رشيد, من بايگه لهذا الديچ!!
نخست وزير عراق: مولانه دخيلك, تعرف اني خادمك الصغير, وجايك بشغله ومحد يدبرها غيرك
قل أعوذ: ليش الفسنجون بارد؟؟
نخست وزير عراق: مولانه يريدون ماينطوني رئاسة الوزاره من جديد, ويگولولي كافي عوفها, تره اموت اذا طلعت منها
قل أعوذ: يطبچ مرز, وين الخبز؟؟
نخست وزير عراق: مولانه ابوس مداسك شوفلي جاره, تره مقتدى وعمار ديخالفون أوامرك وديلعبون بكيفهم
قل أعوذ: منو هزوله؟ ولد گوگوش؟؟ ملعونه چانت خيلي قشنكي**
نخست وزير عراق: هاي شبيك مولانه ياگوگوش يا فيفي عبده, شنو ماخذ ترياك زايد اليوم؟؟ جاي احچي وياك, راح انضرب چلاق وانته متدري
قل أعوذ: انتي منو؟؟ چنچ نجادي عتيك؟؟
نخست وزير عراق: ليش هيج مولانه, آني جنى نعال عتيك؟؟ كل هل خدمات اللي قدمتها الكم وتالي هيج تگلي, هم مقبوله منك, مولانه اني نخست وزير عيراق. وجاي بزياره رسميه
قل أعوذ: جاي!!! اي تزكرت جيبولي چاي!!!
نخست وزير عيراق: دخيلك مولانه اني عايف شغلي وجايب ويايه الوزارات الامنيه كلها, والارهابيين واكعين دك بتكريت وكركوك, حتى تشوفلي جاره
قل أعوذ: ولچ بابا انتي دوختيني, شتريدين؟؟ أنتي منو فوتچ هنا؟؟ روحي يم الفراش مالتي ينطيچ ورقه تنگعيها وتشربين ميها, مثل ماگلچ الوطواط!!
نخست وزير عراق: مولانه اسمه البطاط, ميخالف عود انگعها, بس انطيني ورقه لعمار ومقتدى همين. حتى ابقى خايس!! اقصد نخست
قل أعوذ: نعست, اروح انام أحسن, تجين تنامين ويايه لو تروحين لأمچ؟؟؟

قائممقام: مدير بلديه, بيت الشعر من قصيدة هجاء أظن ان كاتبها الحاج زاير
الهراتي: أحد انواع الديكه العراقيه
خيلي قشنكي: جميله جدا
نخست وزير: رئيس وزراء
البطاط: أحد أمراء العصابات, في اخر مقابله تلفزيونيه وعندما اخبره المذيع بصدور أمر القاء قبض عليه, اجاب, خلي ينكعها ويشرب ميها!! موجوده المقابله في اليوتيوب, وهو يهدد جميع دول الخليج بأنه سيحتلها!!!!!!!!

#سرمد_علي_الجراح (هاشتاغ)

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل