هتافات لمسيرات عمالية في عيد العمال العالمي

خالد منصور
عضو المكتب السياسي لحزب الشعب الفلسطيني

الحوار المتمدن-العدد: 1188 - 2005 / 5 / 5 - 13:12
المحور: الادب والفن
    

من اجل مصالح العمال
-- في عيد العمال --
عيد العامل يفلسطين
يوم خروج المحتلين
حيّو معنا الكادحين
من عمال وفلاحين
حيّو معنا العاملات
في المصانع منتجات
حيّو معنا الفلاحات
على الأرض صامدات
نسوة احترقوا بالنيران
راحوا ضحية للغيلان
وين حقوقو هالانسان
عيد الأول من أيار
عيد العزم والإصرار
حيوا معنا يا أحرار
شهدا الشعب هالابرار
الّي صمدوا في الحصار
الّي انتفضوا عالجدار
بعيد العامل بدنا نقول
لاحتلال بدّوا يزول
ولاستقلال بدنا ننول
عيد عيد وينو العيد
عيد ودم دم وعيد
والآلام عم بتزيد
فقر وجوع وبطاله
ساءت والله هالحاله
إحنا جموع الكادحين
بالبطاله مكويّين
رحمة الله عا عرفات
شو أعطانا مكرمات
التامين المجاني
وللبطالة اعانه
يا خليفة عرفات
بدنا منك ضمانات
بدنا تعمل تأمينات
للشّيخوخه والاصابات
يا عباس يا محمود
نفذ نفذ هالوعود
عزز عزز هالصمود
والعمال همّ جنود
ضحّوا ضحّوا بلا حدود
صيحوا قولوا يا رفاق
لا لا للإغلاق
شوفو العامل عالمخصوم
راسو معبّى بالهموم
والله الظلم ما بدوم
والثورة رح تقوم
حالتنا ما بتنطاق
بالحصار والإغلاق
اسمع اسمع يا محتل
لأجل الخبز ما بننذل
مافي حل مافي حل
إلا خروجك يا محتل
إحنا جموع العاملين
للحريه سائرين
كل ما يزيد الاضطهاد
تزيد الثورة اشتداد
يا صهاينة يا أوغاد
بكفي ظلم واستعباد
حيو حيو زنود السمره
حيو العامل رمز الثورة
حيّو النسوة العاملات
في المعارك باسلات
دور المرأة في النضال
دور مساوي للرجال
يا صهاينة اسمعونا
حاصرتونا وجوعتونا
جوّا سجن حطّيتونا
باب العمل سكرتوه
وكل الشعب سجنتوه
الحواجز شيلوها
والجدران هدّوها
بدنا نهد هالجدران
بدنا نزيل لاستيطان
لا اعتراف بالحواجز
للتحدّي شعبي جاهز
بدنا نوصّل رساله
لأصحاب المعالي
يا إخوانا المسئولين
شوفوا أحوال الكادحين
إحنا دعامة لاقتصاد
كفّوا عنا الاضطهاد
احنا بناة الاستقلال
كفّوا عنا الاستغلال
اكبر همّ البطاله
سحقت جيش العمال
بدنا قنون للعمال
يرفع عنا لاستغلال
بدنا برامج للتشغيل
حتى الفقر عنا نزيل
بدنا نرفع هالاجور
ضد الغلا هالمسعور
بدنا نقاوم هالغلاء
الّي استشرى كالوباء
بدنا رعاية صحية
بدنا سلامة مهنية
بدنا نثبت قوانين
تحمي حقوق العاملين
تأمينات وأجازات
وضد الفصل ضمانات
بدنا ضمانة للعمال
قنون يحرم لاستغلال
مطالبنا شرعية
تأمينات صحية
واجازات سنوية
حقو العامل بدها نضال
نفس طويل وطولة بال
لا لا للإجحاف
بدنا العدل والإنصاف
لاتحاد لاتحاد
يا عمال البلاد

لازم نعمل انتخبات
في عموم النقابات
بدنا نقوي النقابات
حتى تخوض النضالات
نقابات شعبية
لا دوائر رسميه
نقابات ثوريه
منّا تنول الشرعية
نقابات للعمال
عن السلطه استقلال
لا قيادة بالتعيين
أو زعامة مأبدين
يا أصحاب الفخامه
بدنا نعيش بكرامه
يا أصحاب المعالي
الكم منا رساله
سلطة بتبني بالفوضى
شعبي منها ما برضى
قنون الخدمة ليش تأجّل
والفساد ليش تغلغل
يا وزير الماليه
أجور العامل مهريّه
اسمع اسمع يا فيّاض
النا عندك اعتراض
بدنا عداله بالتوزيع
وحق العامل اوعى يضيع
يلّي وضعتوا الميزانيه
بدها روح مسئوليه
العمال اولويّه
مجتمعنا قسمتوه
فوق وتحت رتّبتوه
لاقتصاد قزّمتوه
ومال الشعب اهدرتوه
اسمع منا يا وزير
راحة شعبي أهم كثير
من الإسراف والتبذير
بدل تحطو 100 مدير
ويتهموكو بالتقصير
ارفع راتب هالفقير
نفذ خطة للتطوير
سلطة فيها ألف مدير
مستقبلها عالحصير
الله يعينك يا فقير
بكره العيشة كيف بتصير
الأستاذ يا نعيم
بدّوا يعيش حرّ كريم
الأستاذ بهدلتوه
تحت الفقر عيّشتوه
من العلاوة حرمتوه
شكرا شكرا يابو علاء
عا إفقار الفقراء
عا تهميش الضعفاء
شكرا شكرا للوزراء
عالانجاز وعالاداء
من المر شعبي صاح
وصرنا نبكي علّي راح
لعبّاس بدنا نقول
الّي بصير مش معقول
سنّو سنّو القوانين
وانهو زمن المدعومين
شنو حرب عالفساد
حتى تنظف هالبلاد
صونوا حقوقو هالانسان
حتى يخدم هالاوطان
بدنا سيادة للقانون
كل الشعب تحتو يكون
الحقيقة للجماهير
والتضليل ما بيصير
قبل وقوع الفاس بالرّاس
الأساس حقوق الناس
عنا غول وعنا حيتان
وعنا فساد بالأطنان
نهبو الدنيا الهباشين
والعمال محرومين
طال الصبر وزاد القهر
والحكومة دارت ظهر
نص الشعب تحت الفقر
والمسؤل جوا قصر
المسئول كرشه بكبر
والموظف وضعه تدهور
بلدي الحرة اوعي تنامي
على أبوابك ألف حرامي
بلدي الحرة اصحي اصحي
باسم الثورة عم تنذبحي
صاح الشعب يا قيادات
بدنا بدنا إصلاحات
في الدوائر والوزرات
وإحنا نواجه هالاعداء
بدنا نوزع هالاعباء
الحرمية الهباشين
جرح بظهرك يفلسطين
قلة تعيش مبحبحين
وكل الشعب محرومين
ناس تقارع لاحتلال
وناس بتجمع بالاموال
ناس بتربح ملايين
وناس بتشحد كيس طحين



خالد منصور
مخيم الفارعة
أول أيار 2005

#خالد_منصور (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل