دارميات

ميسون نعيم الرومي

الحوار المتمدن-العدد: 4133 - 2013 / 6 / 24 - 19:13
المحور: الادب والفن
    

لاخـوّه..لاصحـْبانْ..صحـبـَتـْنـَه صحـْبـَه
مـِنْ رَمـْشـَـة الجـِفـْنـيـنْ هـِفـْـتـَتْ اللـَهْـبـَه

سـَعـْـفـَه ابمـَهـَبْ الريـحْ خلاني صـَدَكْ
غـَيـَمـَه اوتـِمـرْ بالگــَيضْ يالماعـِرَفـْتـَكْ

عـَهـد ْالأخـَذتـَه اوياكْ بالـدَمْ كـِتـَبـْـنـاه
نـِـشــرطْ وريد ابـْموس وابغـَفـْله بعناه

كـِلْ الگـْلوبْ اتـْليـنْ بـَسْ گـَلبـَه قاسي
يـِسـحـَنْ ابروحي ليش للعـَهـْدَه ناسـي

( أَرد اشـْلـَعْ الدَلالْ لهـْواي اوديـه )
يـِحـْسـِبْ اجـروحْ او آخ..من ذنـْبـَه يعفيه

لاتـِجـْفي بـَسـَكْ عادْ خويـَه انتَ نـَسـْمـَه
تـِتـْمايـَلْ الأغـْصانْ من تـمـِـرْ يـَمـه

تـِجـْفي اوتـِصدْ ليـغـاد ْمـو هذا طـَبـْعـَكْ
مـِـنْ كـِثـْرَة العـَثـْراتْ ضيـَعـِتْ اسـْمـَـكْ

خـَزَنْ جـَرِحْ مالـومْ يــِشـْرَبْ صديـدَه
كـِلـْما يـِـمـِرْ طـَرواه يـِـبـْچـِي اويـريـدَه

عايـلْ وانـَه المَحـْگـوگْ يابـَعـَدْ روحي
گـلبـَكْ صَخـَرْ جـَلمـودْ ماسـِمـَعْ نوحي

عـِگـْدَه اوالك يـَهـْواي وابـْوَسـطْ روحي
وَي النـِـفـَس ْتـِـنـْدارْ اوتـِـلـْچـِـمْ اجـْروحـي

اشـْمالچْ يـَدنـْيـَه اهـلا دومـِچْ تـِضيـگـْيـنْ
أَتـْوَسـَـلچْ كـِلْ يـوم هـَلـْبـَتْ تـِرحـْمـيـنْ
2013
ستوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل