إذا

ميسون نعيم الرومي

الحوار المتمدن-العدد: 4102 - 2013 / 5 / 24 - 14:51
المحور: الادب والفن
    

إذا
ميسون نعيم الرومي

إذا : هـذي الأداة اعـرابـْهـَه ايـصيـرْ- أَداة ْاوللشـَرط ْ مو فـعـلْ مـَجـزومْ
إذا مُشكـِلْ حـِدَثْ واصْلاحـَه مـَيـْؤوسْ
يـِگـْطــَـعْ بالوَريـدْ اوفـَـنــَّـكْ اتـحـوسْ
تِــكـْتـِـم بالـدَمعْ بالجـفـِنْ مـَحـْبــوسْ
تـِشـْـكي امـنْ الوجـَعْ والحالْ مـَهدومْ
------------------
إذا جـارْ الدَهـَرْ وَياكْ نـوبـاتْ
تـضيـگ الدنـيـَه بيك اوتـونْ آهاتْ
روحـَـكْ من تـِـوجْ تـِشـْتـعـلْ جـَمـْراتْ
تـِحـْرگْ بالچـَبـدْ والگــَلـبْ مـَضيـومْ
--------------------
إذا عـِـشـْرَه انـتـهـَتْ مابينْ الاحـْبابْ
تـِـشـْعـلْ بالگــَلبْ وابجـَمـْرَه عـِطابْ
مـَجـْروحْ اوتـِـضـلْ ما تـِـلگــَه اســْبابْ
جـَـرْحـَـكْ من يـنـزْ يـتـْباچـَـه مـَلچـومْ
--------------------
إذا مـالْ الدهـَرْ كـِـلْ وَكـِـتْ وَيــاكْ
يـِـشـِـلْ ابـْـيـِـمـْنـِتـَكْ واتـْزيـدْ بـَلواكْ
يـِـصيـبـَـكْ بالصَمـيـمْ اوأَضنْ يـنـْسـاكْ
يـِـهـِـدْ ابـْحيـلـَكْ اوهالـقـَـدَرْ مـَحـْتـومْ
--------------------
إذا چـانْ الوَرِدْ خـَلـَّـفـْـلــَّّه عـاگـــولْ
تِخـِنگـَكْ عـَبـْرتـَكْ تـِسـْكـِتْ اومـَتـْگـولْ
وإذا شــِـعـْرَكْ طـِلـَعْ ياحيـفْ مـَنـْـقـولْ
تـِـكـْـفـِــرْ بـالـقـِـوافـي والوزن دومْ
--------------------
إذاحـِـنـَّة عـِـرسْ مـَعـْجـونـَه بالدَمْ
عـِـطابـَـه اوتـِـچـَـوْي الروحْ بالغـَمْ
زادَكْ عـَـلـّگــَمْ او مـَدْيـوفْ بالسـَمْ
دَمـْعـَـكْ من يــِـكـِـتْ بالـّلـوعـَه مـَهـْضومْ
--------------------
إذا إنـْتَ صَـبـَّحـِتْ فـَدْ يـومْ مـغـلـوبْ
تـِـذبـْهـَه اعـلـَه القـَدَرْ.. واتگـولْ مكـْتـوبْ
زَرعْ الـّلي زِرَعـْتـَه چـانْ مـَعـْيـــوبْ
شــيـفـيـدْ الحـَچـْي بـَعـْديـنْ والـّلـومْ
--------------------
إذا دارْ اوجـِـرَفْ تـِـربانـْهـَه السـيـلْ
تـِأَمـْن الماي ؟ يــِغـْدِرْ دومْ وايـعـيـلْ
عـَلى راســَكْ اديــَكْ اتـْصيـحْ ياويـلْ
تـِـشـّهـَگْ للسـِـمـَه واتـْعـِـدْ النجـومْ
--------------------
إذا خـِـنـْتْ الوفـَـه واتـْبـَرّه مـِنـَكْ
جـَرحـَـكْ يـِنـجـِرحْ باجـْروحْ جـَرحـَكْ
ســِـرْ الماحـِفـَضْـتـَه ابـْضِـلـِعْ صَدْرَكْ
يـِـشـْيـعْ ابكـِـلْ كـِـتـِرْ واتـْصيـرْ مـَذ ْمـوم ْ
--------------------
إذا تـَـعـْبْ العُـمـرْ مـِنـَّـكْ جـِـفـَه اوضاعْ
ضـِلـعـَـكْ يـِـنـْكـِسـِرْ واتـْصـيـبـَه الوجاعْ
أَويـلي إعـْلـَه الوفـَه هـالـوَكـِـتْ يـِـنـْبـاعْ
واليـِـشـْري يــَويـلي ايـبـيـعْ الهـْمـومْ
--------------------
2013/ مايس
ســــــــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات