لو

ميسون نعيم الرومي

الحوار المتمدن-العدد: 4122 - 2013 / 6 / 13 - 19:03
المحور: الادب والفن
    

زرعـْـنـَه اللو نـِدري اللو ماخـَضَّرْ

لوتـِـقـْرَه العـِراقْ او تـِقـْرَه ماضيـَه
مـِـنـْهـو اللي كـِـتـَبْ قانـونْ بايـديـه
حـَمـُرابي حـِـضَرْ واليومْ خلْ نرثيه
كـِتـَبْ أَولْ حـَرفْ بالطينْ ( مسمر )
-------------------
بـابـِـل أَكـَدْ ســـومـَرْ او آشــورْ
بنو كل الحضاراتْ اوسوروهه ابسورْ
بـَغـداد الزهـَتْ أَزمانْ بـيـهـَه اعصورْ
حضارَه اوعـِلمْ ..ابكـُـل شارعْ اومَعـبـَرْ
-------------------
عـِـراقْ او گالـَو الـتـَـقـْديـس عـَنـَـكْ
نـوْر الأنــبـياءْ الشـَعْ وانـتـِشـَرْ منـَـكْ
تـَـبـْجيـلْ اوثــَقـافـَه انـْـكـِتـبـَتْ ابفـَنـَكْ
ياوَسـْـفـَه عـَـلـيـَه الـيـومْ مـِنْ صَـفـَّـرْ
-------------------
أَرضِـچْ وامحـِلـَتْ هالصاحْ بـيـهَه البومْ
جـوعـانْ شـَعبـِـچْ هاليـِـونْ.. متـروسْ كله همومْ
يدوس اعله الذهب ياكـلْ هضم واسـمومْ
ياوَيـلي يـَبـَغـْداد..دوم الوَكـِتْ تتحسراوهم تـِـنـْطرْ
-------------------
راحْ الطاغـِـيـَه وانـْدرَسْ مـَـقـْبـورْ
هللينه فـَـرَحْ .. چـِثـيـرَه الوفـْيـَنـَه انـذورْ
نبني الخرب گـلنـَه..انشيد اهوايه اقصورْ
كـِلمـَنْ إجـَه صارْ اعله الشـَعـَبْ عـَنـْـتـَرْ
-------------------
تـُراثْ.. يــِشـْهـَدْ عـَليـَه آشـورْ والمـَنـْصورْ
چـَمْ دوبْ سـاكـِتْ تـِضَـلْ ممتحنْ مـَـقهـور؟
صارت شغـْـلتـَكْ..إدمومْ تغسل.. بـَسْ تحفر اگبورْ
إنـْـتـِفـضْ.. بـَسـَـكْ بـَعـَدْ.. بـَسـّـكْ تـِضَـلْ تـُحـفـرْ
-------------------
شـَركاتْ اوصفـَتْ..كـُلهـَه وَهـْميـَه
عـَـليـهه وَقـِعـَتْ بـَسْ الحـَرامـِـيـَه
اويـلي اعـْلـيـچْ ياخـَـزْنـَه يـَمـدميـه
يـومْ اويــِجـْي عَ الحـَبـِلْ هم تـنـّـشـَـرْ
-------------------
جـَهـلْ اوتـَخـَلفْ واهوايـَه أُميـَه
رجـعـَو بالبـَلـَدْ من گــَبـلْ فد ميـَه
دَگــُلي يـَرَبـْي اشـْـلونْ تاليـَـه
والمَـغـْلـوبْ بـَسْ نارْ اوبالگــَلبْ تـِسـعـَرْ
-------------------
نـِرْجـَعْ عَ القـَدَرْ..وانسأله ليـشْ الصارْ؟
بـَلكـَتْ يـِحـِنْ.. فـَدْ يـوم اوعـَـنه يمحي العار
ماضَـلْ بالبـَـلدْ لاشـارِعْ اولا دارْ
أَويـلي إعـْلـَه البـَلـَدْ مـَهـْجـومْ يـِتـْعـَثـَرْ
-------------------
مـَلـيـَـنـَه اللطـُمْ كله عَ الخـَديـنْ
شـَگْ الزيـگْ والتـأبـيـنْ
كـَرخْ اورصافـَه ادمـومْ بالصوبـيـَنْ
دوده اوبالجـَـذرْ دوم هالتـنـْخـِرْ

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل