معارضة ضعيفة تساوى تفوق الاخوان

بطرس رشدى جندى

الحوار المتمدن-العدد: 4065 - 2013 / 4 / 17 - 20:24
المحور: السياسة والعلاقات الدولية
    

- حمدين صباحى قال تصريح انه عنده نية لدعم مرسى بشرط تشكيل حكومة جديدة ونائب عام جديد واعداد قانون انتخابات جديد ... يعنى صباحى عاوز يضع يده فى يد مرسى القاتل اللى عذب وقتل ناس كتيرة ... عاوز يضع يده فى يد قاتل اعطى اوامره لوزير الداخلية السفاح انه يطلق قنابل مسيلة للدموع و رصاص حى على المتظاهرين وتم قتل عدد من الابرياء ... صباحى عاوز يضع يده فى يد مرسى اللى بيدعم الجماعات الارهابية فى سيناء وحماس .

- حمدين صباحى رفض ان يجلس مع مبارك بحجة انه قتل متظاهرين وان مبارك يده ملوثة بدماء المصريين والغريب ان صباحى حاليا عنده استعداد انه يقعد مع مرسى اللى قتل عدد كبير من الشباب ... ايه التناقض الغريب ده ... للاسف انا اكتشفت ان المعارضة ضعيفة ومرسى والاخوان حاطين فى بطنهم بطيخة صيفى لان مفيش رد فعل قوى من المعارضة .

- للاسف المعارضة معندهاش تنظيم ولا اهداف وكل كلامهم مجرد شعارات نظرية وبالتالى النظام الاخوانى شايف ان مفيش معارضة قوية تقدر تمنعه من تنفيذ الخطط الشيطانية .

- عدد كبير من الناس بيطلع مظاهرات وفى نهاية اليوم تلاقى واحد بيكلم زميله وبيقوله ( احنا هنعمل ايه دلوقتى ... هنروح ولا هنقعد ) فيكون رد زميله ( انا مش عارف لان مفيش حد بيقودنا ... وانت شايف اراء الناس مختلفة ) وللاسف عدد الناس فى المظاهرة يقل وفى الاخر تلاقى اعداد بسيطة هى اللى فضلت قاعدة فى المظاهرة والغريب انك تلاقى النشطاء قاعدين فى بيوتهم وسايبين الناس فى المظاهرة ... يعنى مفيش اتحاد ... يعنى مفيش راى واحد وكلمة واحدة وصوت واحد .


- لو انت عاوز تسقط نظام لازم يكون فيه اتحاد قوى بين الشعب والمعارضة ... بدون اتحاد هتخسر كل معركة بتدخلها ... لازم يتم عمل عصيان مدنى ... يعنى المواصلات توقف والشغل يوقف وكل حاجة توقف وفى نفس الوقت يتم عمل مظاهرات فى كل ميادين مصر ... والاعداد تبقى كبيرة ... ومحدش يسيب الميادين حتى يتم اسقاط النظام .

#بطرس_رشدى_جندى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات