من حجايات كَبل/الى الاستاذ حسين علوان حسين

عبد الرضا حمد جاسم

الحوار المتمدن-العدد: 4025 - 2013 / 3 / 8 - 21:54
المحور: المجتمع المدني
    

الى الاستاذ حسين علوان حسين المحترم
تركت ت رقم3 على موضوع الاستاذ حسين علوان حسين المعنون (الغربان والحمير) المنشور بتاريخ 06/03/2013 الرابط قلت فيه التالي:

التسلسل: 3 العدد: 455563 - الاستاذ حسين علوان حسين المحترم
2013 / 3 / 7 - 07:54
التحكم: الحوار المتمدن عبد الرضا حمد جاسم

تحية وتقدير
خلو الميت بالتابوت و شالوه الاربعه الشمال و الجنوب و الشرق و الغرب
طكت روحه من الطسات فمد راسة او صاح عليهم ما وصلنه التبليط سكتوا
فد واحد مستطرق كال للميت كَله عمي انت تمشي علتبليط
جاوبه الميت كَاله جا ليش هالطسات
ضحك المستطرق كَله عمي مو طسات
كَال الميت كَلي شكو مو شلعت كَلبي
كَاله عمي ذوله الشايلينك كلهم عرجان...واحدهم تك رجل وانت عبالك طسات
لنا عوده ايها الكريم

وقد اجابني الاستاذ حسين مشكوراً بالتالي:
خويا ، أريدن بعد سواليف أهلنه الحلوة منك
ألتقيكم بالخير

وانا هنا البي طلب الاستاذ حسين علوان حسين واليكم هاي السالفه:
(هم شفت بطن بريج بروه صفافير
البردي للبولاد صاير محافير)
هذا قول اصبح مثل وشاع وقصته هي التالية بالعامية العراقية:
كَاعده الحجيه(عجوز) مثل كل يوم اباب الحوش(الدار) العصرية(عند العصر) وسبحتها بيدها وتنطر رفايجه(رفيقاتها) العجايز يلتمن...وهي امدنكَه اتسبح مر من يمها واحد ...
مسَّاج الله بالخير حجية...
ها يمه ياهوانت...شالت راسها وهي تفرك بعيونها...يبعد هالطول يمه ياهو انت
حجيه انه فلان ال فلان...
جاوبت ولك ياهو ...افلان
اي حجيه
جا شبيك ولك... شو مكَلوب كَلاب....شبيك هاه
ههههههههههههههههه ضحك...أي حجية...جا اشعبالج...الدنية مو مثل كَبل
كَلتله ولك اصخام صخم الدنيه ...جا ما لكَت غيرك...ولك ابو اللثك (البقع)شمسوي بروحك...ولك شني هاي الشايلها بيدك... جنطه (حقيبه)...منين بايكَها(من اين سرقتها)... وين مولي بيها... ولك اليوم ستره او بنطرون او باينباغ(كوستم مع ربطة عنق)... اليشوفك يكَول رايح للمصرفية...لو صاير محامي ...وانت كلشي ما كو...لا حظ او لا بخت
ولك هاي موش الك...تعال ادنه (تَقَرَبْ)... ولك انت منهن منهم...انت واحد منحثل...مهتلف طايح حظ.انت و الدنية ولك كجه مرحبه.
ههههههههه ضحك.... وكَمبص يمها(جلس القرفصاء)
كَالتله: لغاد... ولك لغاد(ابتعد)... ريحتك اتطر الراس(رائحتك كريه تسبب الصداع)...ولك شمسوي بروحك(ما عملت بنفسك)...انت واحد مسلوت مرعبل...منيلك هاي الهدوم اللبابسها(من اين لك هذه الملابس).
انت بالعير بالنفير...شايلك جنطه...هههههه...شمخلي بيها انعالك لو انعال ابوك....ول(ابتعد)... خفه هاليوه اللملس(وجه املس).
دنكَ عليها يريد يحبها براسهه لا تفضحه(اراد تقبيل راسها ليسكتها عن فضحه)
لغاد...(ابتعد) قدي...قدي قدي قدي(تستعمل للتعبير عن الاشمئزاز ترافقها حركات بااليد و انزعاح على تقاسيم الوجه و تحريك الراس الى الجانب...للتخلص من الرائحه الكريه وهو تعبير عن عدم الارتياح)...كش او بِرَهَ منك ( ابتعد) ومن ويهك الاملط... ولك روحي تكش منك و من كَطلك (تتقزز نفسي منك و من قذارتك).
ولك انت دومك لا حظ او لا بخت...تخوتل(تدور) النهار كله مثل هايشة زرابين( تدور بدون عمل مثل البقره التي لا تدر حليب فقط تأكل و تطرح فضلاتها)...لا شغل و لا عمل
لو بيك حظ... روح عِينْ اْبوكْ(ساعد ابوك) ...يلهط (يكدح) من الصبح للليل عد(عند) اليسوه والمايسوه و يحط بحلوكم (لاجل ان يجلب لكم الطعام)
دنكَ وهو يضحك يريد يحب راسه مره ثانيه (اراد تقبيل رأسها)
ولك ول فلك طرك ...طمَّام عار يطم عارك ...ول ولك ول(ابتعد مع اشمئزاز وقوة)...تره الَعْبْ النعال عله ويهك (تهديد بالضرب).
نهض وهو يضحك وقد هم بالانصراف
كَالته...وين مولي(أين ذاهب) ولك تعال كَلي...وين امولي...متحنبط اتحنبط بالستره و الباينباغ و شايل جنطه...راشده انشاله(ان شاء الله)...وين مولي (الى اين ذاهب)
اجاب: حجيه الدنية مو ذيج الدنيه... تغيرت ...و هسه الوكت النه... وانه صرت مسؤول حزبي ورايح للاجتماع...لازم ندير بالنه ع الوادم ... و نشوف اشعدهم ما عدهم...شناقصهم
كَلتله(قالت له)...ولك صرت مسعول بعصي(مسؤول بعثي)...ولك انت بيك حظ تعدل روحك حته تعدل الوادم(الناس)...ولك الوادم ما تريد شي بس خلوهم بحالهم...محد يريد ايشوف جهرتك(لا احد يرغب برؤيتك)...ولك انت المخلكَن( الذي لا يهتم بهندامه)... النصك كَطل (الوسخ)...ابو اللثك تعدل الوادم...ولك اتعدل هاي الوادم الشزينهه المْعَتْبَرَه(المُعْتَبَرَه)... ولك حته الباينباغ يصيَّح عليك...يريد يشرد منك....خفه هالويه (تتمنى ان لا ترى وجهه).
انت مثل البريج(الابريق) من بره يلمع و من جوه خايس(غير نظيف)(كانت الاباريق المستعمله نحاسية)
ههههههههههههههه ضحك...حجيه بروح الزاير شني سالفت البريج(ما هي حكاية البريق)
كَالتله جا امك من سربُتتك(امك عندما دفعتك الى الشارع) بالشِوارع ما كَالتلك عَليها
ههههههههههههههههه لا و الله حجيه ...بروح الزاير... العباس عليج شني قضية البريج (العباس ابن علي ابن ابي طالب احد ائمة المسلمين الشيعه)
كَالتلك ولك بِري(براء) منك العباس ابو فاضل...ابو راس الحار ...لا تجيب طاريه بحلكَك الَلعَوي (فمك الاعوج)اليغوغي بيه الذبان( الذي يتجمع عليه الذباب)...الريحته اتطر الراس طر(ريحة الفم تسبب الصداع).
ههههههههههههه ميخالف حجيه ...بروح العِزِيزْ ما اروح اله تسولفيليها(لن اذهب حتى تقصينها )
كَلتله :ولك يَمَغَّبوكَ(من يُضْرَبْ على رأسُه و تتسبب بعاهه دماغيه) انت طرن (غبي)...كلشي ما تعرف من الحجي(لاتفهم الكلام حتى لو اشرحه لانك غبي).
فقالت:
(هم شفت بطن ابريج بروه صفافير؟
لو بردي للبولاد صاير محافير؟)
معناها(كان الشائع هو استعمال اباريق مصنوعه من النحاس تتأكسد مع مرور الوقت وكان الصفارين يدورن في القرى والازقه لتنظيفه بالجلي ...و في العادة يُجْلى من الخارج فقط و يبقى داخله متأكسد...يميل للون الاخضر الذي يشبة لون العَفَنْ)
والتكمله (هل رأيت ان البردي او القصب يستعمل في ثقب حديد الفولاذ؟).
كَالها هههههههههههههه (قال وهو يضحك) حجية شني معناها
كَلتله (قالت له):...مو كَتلك انت طرن...انت ثور امعمم(يعني الثور الذي يضعون على عينيه غطاء و يستعمل فقط في النواعير او دراسة الحبوب)...لا تحل او لا تربط...او لا تفرزن الحجي.
لم يفهم ما قالته العجوز.
اودعناكم
هذه مقدمه لموضوع قادم عن مثقفي (النيو....)
الى اللقاء في التالي

#عبد_الرضا_حمد_جاسم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل