حكاية طالب جامعي

نرمين عموري

الحوار المتمدن-العدد: 4019 - 2013 / 3 / 2 - 21:34
المحور: الادب والفن
    

أيوه نجحت تَوجيهي
وصرت طالب جامعي
ومِن الأيام السودة فكرت حالي هارب
كُل هَميّ بِالجامعة أعمل مَقالب
ومين شافني يحكي عَني شارب
أيوه أنا طالب جامعي
لابس سِنسال ومفكر حالي كيوت
وحاطط نظارات
وبدور عالبنات
ومين شافني يحكي مَعي ليرات
وما بعرف اني عايش طفران
من هاد باخد سيجارة
والتاني بعزمني عالاستراحة

ايوه أنا طالب جامعي
لما أفوت عالمحاضرة
ويبدا الاستاذ بالمناقشة
تشوف طلاب نايمة
والتانية عالموبايلات شغالة
وهاد بضحك للدكاترة
والتاني ببعت مسجات فارغة

ايوه أنا طالب جامعي
لما يجي وقت الامتحان
بِنضَحك عَليَ لأني طالب غلبان
وبَقضي وَقتي بَجَمِع عَلامات
والاستاذ مفكر حالو كبير
وعامل فيها معلم أمين

ايوه أنا طالب جامعي
بس أفوت الجامعة
كُل كلية بحارة
بقضي وقتي بمشي ساعة
مِن حارة لحارة
صار بدها مواصلات
حَتى ما أتأخر عالمحاضرات

ايوه أنا طالب جامعي
هم الجامعة راح ينشال
وأتخرج ويتحسن الحال
وأشتغل بِشركة جوال

ايوه أنا طالب جامعي
بعد ما ينتهي آخر فصل
وَأعمل أكبَر حَفل
وأرقص مَع الأهل
بتخرَج وبَقعد مثل الهمل
نايم أو عالتلفزيون ما في شغل
وبِالنهاية مِن كثر النوم راح أنهبل

ايوه أنا طالب جامعي



بقلم: نرمين عموري
التاريخ:2-2-2013
اليوم: الجمعة

#نرمين_عموري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات