الحانوتي (تضامنا مع ثوار 25 يناير)

محمد حسين عبدالعزيز محمد

الحوار المتمدن-العدد: 3986 - 2013 / 1 / 28 - 14:09
المحور: الادب والفن
    

الحانوتي

شباب ولسه حلمه بادي
لسه محلش عليه الحول
كل ذنبه قال بلادي
ليها الحق ولازم أقول
أنا مصري واصلي مصري
وعمري ما هييجي علي الدور

شباب ولسه في عقده الثاني
ورد مفتح,رحيق ماسور
عشان خمسه من أبو مسامير
علي الله يوماتي ف الطابور
ساعه عشره,يوم إتنين
مين يهتم, ومين مسئول
عاجبك تاخد وتحط ف بوقك
ولو مش عاجبك فارقنا وغور
وعشان مش لاقي ضهر ف ضهره
إتكسرت نفسه وعاش مقهور
وعشان وظيفه بكام ملطوش
طافح الكوته ما هو مجبور

كده خلاص جابت آخر
لازم وقفه, انا لازم اثور
وعشان قال كلمة لازم
بدات طبول الحرب تدور
قالها يعني ومكنش يعرف
إنه بيها حضر عفريت
سفاح ظالم ,قاتل فاسد
يوماتي يمسمر ف التوابيت

ضرب وسحل وذل وشتم
عايزين إيه يا ولاد التيـــــت
شاطح ناطح محدش قادره
الكل عبيده وهو السيد
يدي وياخد,يفتح يقفل
من غير أسباب من غير مواعيد
ولو فكرت إنك تسأل
مكانك ورا الشمس اكيد
رحله سفاري لأمن الدوله
تخرج منها بفكر جديد
ساخط,حاقد,ناقد,كاره
جواك من وطنك نار بتإييد
من خرم الإبره شايف حالك
وعمر ما طب النفس يفيد

#محمد_حسين_عبدالعزيز_محمد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل