سهل عليك تقتلنى

عبدالله صقر

الحوار المتمدن-العدد: 3954 - 2012 / 12 / 27 - 02:06
المحور: الادب والفن
    

سهل عليك تقتلنى علشان بحلم
لكن صعب عليك تقتل حلمى
ممكن تظهر ليا العين الحمرة
لكن موش ممكن أبدا تغلبنى
بكرة حلمى اللى أنا بحلم بيه
يكبر جوايا ويسطع ويبقى حقيقى
ممكن تمنعنى من إنى أمر بحارة
لكن موش ممكن تمنعنى أمشى فى شارع
يعنى علشان فى أيديك سلاح بتهدد فيا !!!
أوعى تفكر إنك ها تخوفنى أو إنك ها تقدر تغمى عينيا
وما تفكرش إنى ضعيف
أو إنى رهيف وخفيف
لآن جسمى واقف لسة على رجليا
ولآنى كمان ثائر مؤمن وشريف
خللى بالك
ممكن الحلم اللى أنا بحلم بيه يبقى حقيقة
وممكن يتحقق فى ثوانى أو فى دقيقة
وأبقى أنا واقف فوق فى العالى
وأنت واقف تحت بتبكى وتترجانى
وبتتحسر وتنعى حظك وتلالى
النهاردة ماسك لى فى أيديك سلاح
وعاوز تقتلنى بيه !!!
لآنك قادر وبتقول إنك ديك وفصيح
خليك فاكر إن قلبى أبيض وصريح
وما تنساش أن قلبى كبير وطيب
وعمره ما كذب ولا زيف
أوعى غرورك يوديك لبعيد
لحسن أنا ثائر جامد وعنيف
عمرى فى يوم ما فكرت أقتل حد
وحياتى كلها واخدها جد فى جد
ولا بتعصب فى أمور الدين
ودايما أعبد ربى ليل ونهار
وما تنساش إنك قلت عليا من الكفار
بمجرد إتى أختلفت معاك فى الآفكار
وفى أمور دينى عمر عقلى ما شت
لكن أنت دايما واخدها بعنف وضرب وشد
أنا قلبى طول عمره مسامح وكبير
لكنك عاوز تقتلنى وترمينى فى بير
هى دى تعاليم دينا السمحة ؟ !
ياللى دماغك دايما سارحة
الله يسامحك باللى عملته فى مصر
قسمتها فريقين وعصرتها عصر
ممكن تقتلنى علشان بحلم
لكن صعب عليك تقتل حلمى

#عبدالله_صقر (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل