ولاد الآيه

عبدالله صقر

الحوار المتمدن-العدد: 3906 - 2012 / 11 / 9 - 05:47
المحور: الادب والفن
    

ولاد الآيه
,,,,,,,,,,,,

ولاد الآيه
موش عارفين
هم ماسكين فى الكراسى ليه
طب يا ولاد الآيه
أسألوا أنفسكم , أعطيتم
شعوبكم أيه
غير المذلة والمهانة والفقر
اللى طول عمركم بتسعوا إليه
,,,,,,,,,,,,,,,,,,,,,,,,,,,,,

ظلمتونا وحيرتونا
وخربتوا بلادنا بالكرسى
اللى قاعدين عليه
يا ولاد الآيه
سرقتم ونهبتم فينا
واللى سرقتوه داريتم عليه
وفهمتونا إنكم حراس عليه
نهبتوا بالمليارات وحساباتكم
فى البنوك مشكوك فيه
,,,,,,,,,,,,,,,,,,,,,,,,,,,,

وإحنا موش لاقيين
الله يخرب بيوتكم
على عذاب السنين
اللى أكلتونا فيها الطين
كل واحد منكم بيقول
شدوا الحزام , والغريبة
إننا بنسمع كلامكم
ونقول أمين
كل واحد منكم
بيبعث ولاده يصيفوا فى الريفيرا
وإحنا هنا الحر واكل أبدانا وهارينا
ويوم ما نحب نصيف نروح لترعة
مليانة حشرات وطين
,,,,,,,,,,,,,,,,,,,,,,,,,,,,,,,,

وسعادته يقف فى الآمم المتحدة
ويفتخر ويقول :
كل فئات شعبى مرتاحين
بالزمة دول موش كذابين !!!
حتى رغيف العيش يا ناس
عشان نحصل عليه لازم نكون منهانين
ولو لقيناه يكون مليان ثعابين
وبنأكله وإحنا راضيين
عشان نملآ بطونا ونحس إننا شبعانين
والناس تعبانه لكن ساكتين
أه منكم يا ولاد الآيه
إحنا اللى صنعناكم بإيدينا
طب إحنا عملنا فيكم أيه
يا ولاد الآيه
ماسكين فى الكراسى ليه
موش عارفين السبب أيه

#عبدالله_صقر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل