الهواء الفاسد

عبدالله صقر

الحوار المتمدن-العدد: 3923 - 2012 / 11 / 26 - 02:26
المحور: الادب والفن
    

فتحت شباك غرفتى
من أجل أشم شوية هواء نقى
لقيت الهواء كاتم على أنفاسى
وما كنش داخل على أنفاسى
ولا مارر فى راسى
قلت أنزل الشارع
يمكن ألاقى شوية هواء أتنفسهم
وأغير بيهم هواء رئتاى الفاسد
لقيت فى الشارع
كل الناس بتأسى
وبتقول الهواء كله أصبح فاسد
كان كل الناس بتدور على هواء نقى
يا خساره الكل كان بيشتكى
أتارى الهواء كان مخنوق
والشارع كله حاسس إنه مزنوق
زى حالنا المرهوق
كان أجسام الناس متبهدلة
والنفسية متنيلة
والناس دايخة وشكلها عاوز يفوق
سألت واحد كان ماشى
كان وشه زى المحروق
سألته عن سبب كشارة وشه
قلت له : ليه وشك مكشر
قال لى : أضحك ولا أبتسم ليه
هو فى الدنيا أيه
حلو عشان أبتسم عليه
وحياتك لآبتسم لما الدنيا معانا تروق
يا عم قلنا ثورة وقامت الثورة
عشان تأخذ بأيدينا
وقلنا يمكن ينصلح حالنا
ونبقى فى العلالى ونصبح فوق
وأدينا صابرين على حالنا المزنوق
رديت عليه وقلت له :
يا عم كبر دماغك
وخليك معايا زوق
دا إحنا يا إبنى عشان ينصلح حالنا
لازم نرجع المال المسروق
المهم رجعت لبيتى وكان جسمى
مولع زى واحد محروق
من اللى شفته على وجوه الناس
ومن حالها , وخلانى فقدت عقلى
وكأنى موش مخلوق
ناجيت ربنا وقلت له
ليه يا رب , أمتى الدنيا معانا
ها تحلو وتروق
يا رب تكون ثورتنا نجحت
وما نكنش أخذنا فيها خازوق
وما نكنش ها نرجع للفقر من ثانى
والدنيا تسود فى وشنا
وموش ها نفوق
يا رب مالناش غيرك رحيم
بينا وشفوق
أرحمنا يارب من عذابنا وأرحمنا
وخلينا نفرح بثورتنا عشان
نشوف نور الشمس وقت الشروق

#عبدالله_صقر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل