حسام الحداد
الحوار المتمدن-العدد: 3933 - 2012 / 12 / 6 - 00:01
المحور:
الادب والفن
أخر نقطة ف دمى
عملولك بيها الحبر الفسفورى
لاجل ما تتعلم معنى الحرية
وتعلم بيه على اسم مرشح خانك وقتلنى
خد بالك
وانت بتغمس ايدك ف الحبر / ف دمى
خد بالك
ما تحفش
لاجل ما غيرك يغمس صابعه
ويفضل دمى علامه ف ايديكم
خد بالك
انك يوم ماشيت فى مظاهرة
تهتف فيها بحقى
كنت باشوفك
وف يوم ما اتخليت عنى
وسيبت ميدانى للعسكر
كنت باشوفك
ويوم ما سميرة كشفوا عليها
وعروا اخواتها
كنت باشوفك
كنت باموت واتحسر على موتى
كنت باحس بانى رخيص
لكن دلوقتى
وانا بالمح عين الناس فرحانه
فى الطوابير وهيه بتدلى بصوتها ف الانتخابات
بارتاح
حسام الحداد
23/05/2012
#حسام_الحداد (هاشتاغ)
كيف تدعم-ين الحوار المتمدن واليسار والعلمانية
على الانترنت؟