من قراءاتى - نوادر ونكات فيسبوكية

مجدى زكريا

الحوار المتمدن-العدد: 3832 - 2012 / 8 / 27 - 22:36
المحور: كتابات ساخرة
    

اردت اليوم ان اصنع تغييرا طفيفا فيما اكتب , وفيما يكتب عموما على صفحات الحوارالمتمدن . وانشر بعض الطرائف والنكات الفيسبوكية لعلها تغير من مزاج القراء الاعزاء.
والبداية, هى قطعة يتخيل مؤلفها حوارا بين جنين فى بطن امه, وامه التى تحاول جهدها تأخير وصوله للحياة بعض الوقت, لأن الاحوال فى مصر ليست على مايرام.
( كتبت القطعة قبل ان يتولى مرسى الرئاسة ).
الولد فى بطن امه . . فى الشهر التاسع من شهور - قالتله اوعى تنزل . . يابنى البلد بتثور
وانا بوعدك هبقى اولدك لما الريس يغور
الولد انزل يا امه ؟
يابنى استنى الريس غار - بس مافيش استقرار - علشان تلقى رغيف العيش - اصبر ست شهور عالجيش
انزل يا امه ؟
يابنى استنى ماتستعجلش انا عايزاك بعنى ماتنزلش
سيب الجيش شغال بمزاج ليه تفسى كاوتش الانتاج
وخلاص بيحاكموا اهو المخلوع وبكرة جمعة التطهير يوم السبت انزل عليك بخير
خلاص هانزل يا مه ؟
لا استنى اسمع كلامى معلش اصل الناس يومها مانزلتش
يا امه ازاى ؟ دنا لسه شايف فى المصرى اليوم التحرير فيه كذا مليون
ماتبقاش خايب زى ابوك دول فوتوشوب . . ازاى خدعوك
انزل يا مه ؟
اسكت يابنى شفت ابوك راح يشترى فول راحوا مسكوه على انه فلول
يا امه ازاى من غير قضية ؟
لا محاكمة عسكرية
طب انزل يا امه؟
شفت فى حادثة ناحية بيتنا كنيسة انضربت فحصلت فتنة
ازاى يا امه ؟ والجيش فين ؟ اما صحيح مجلس مساطيل
يابنى بس ماتظلمهمش كانت الساعة اتنين بالليل
انا نازل خلاص يا امه
مش عارف ليه مستعجل انت فاكر اجدع م الشرطة اصبر شهر او تنين بالكتير وانزل على تسليم السلطة
خلاص يا امه ولا يهمك خدت خلاص عالقعدة فى بطنك
بس فحالة انى زهقت وصلى لعندى كابل النت ولو الكابل هيعمل زنقة حطى بداله واى فاى مش فارقه
وبلاى ستيشن ودراع مالتى نلعب انا واخويا يا مامتى
اه بالحق اخوك عامل ايه ؟ سلملى بالمرة عليه
اخويا كويس وبيسأل ينزل يا امه ؟.

النكات:
- مرة واحد بتاع سمك ابنه مات فماشى فى الجنازة بيقول : كان صاحى وبيلعب.
- واحد اتصل بمراته قالها حضرى الميه السخنه, صاحبه قالله ياواد ياحمش, قاله امال هااغسل الصحون بميه باردة.
- ديك بيعاير فرخة ويقولها مسكينة دايما بياخدوا البيض بتاعك, قالتله اسكت ياللى بتأذن ومابتصليش.
- واحد بيقول لمراته, انا كسبت مليون جنيه يلا جهزى شنطتك بسرعة. قالتلو اخد الهدوم الصيفى ولا الشتوى. قالها خدى اللى تاخديه, المهم ارجع البيت ما لاقكيش فيه .
- سأل الاستاذ الطالب : ماهو الشئ اللى ىلونه اسود واصفر وينزل عسل؟ اجاب الطالب : اتوبيس مدرسة البنات يا استاذ.
-حمار بيقول لخطيبته : امتى هانتجوز ياحماره. قالتله لما تحسن الفاظك ياحيوان.
-واحد بيقول لصاحبه انا خطبت فصاحبه بيسأله وبيقوله وخطيبتك على كده انسانه كويسه ؟ فرد عليه قاله كل اللى مشيوا معاها بيشكروا فيها.
-اتنين مساطيل راكبين عربيه وخبطوا واحد. فالمسطول السواق قال للمسطول الى جنبه : انزل شوفه مات ولا حى. نزل المسطول وقاله : تعالى يمين شويه , ايوه, شمال شويه, بس اطلع قدام شويه. تمام كده مات.
- قمة الفرحة : لما ابوك يقولك روح جيب حاجة من الاوضة. وترجع تقوله مش موجودة . . ويقوم يبهدلك. ويروح يجيبها هو ومايلاقيهاش.
- خمس طرق تجعل اى رجل سعيدا فى حياته : الاولى ان هى ان يجد فتاة تجعله يضحك. الثانية ان يجد فتاة تشاركه كل شئ. الثالثة ان يجد فتاة تحبه حب حقيقى.
الرابع ان يجد فتاة تعطيه كل الاهتمام. الخامسة والاخيرة انه مايخليش الاربعة يعرفوا بعض.
- اذا الشاب اراد الفتاة فلابد ان يستشير ال MOTHER. ولابد للاهل ان يرفضوا ولابد للشاب ان ينتحر.
- محشش مراته ولدت الساعة 3 الصبح وجابت ولد. اول ماشاف الولد ضربه كف على وشه. مراته قالتله بتضربه ليه؟ قالها اول يوم له وجاى وش الفجر امال لما يكبر هيعمل ايه؟
- برقية تهنئة : من الخرفان للكحك انتم السابقون ونحن اللاحقون.
- حقائق علمية : تخيل لو ابوك بيقرا افكارك هتلاقي كل خمس دقايق قلم نازل على قفاك.
- الان بالاسواق خدمة وسوسلى شكرا من شركة ابليسو للاتصالات. لألغاء الخدمة اضغط لايك واكتب " لااله الا الله " فى كومنت.
- لو لقيت واحدة النهاردة كاتبة على الفيسبوك : حسبى الله ونعم الوكيل. او BAD MOOD, اعرف انها شافت واحدة لابسة نفس الطقم.
- طريقة عمل بخاخ الشطة لمواجهة المتحرشين: لتر ماء خمس ملاعق فلفل اسود ناعم خمس ملاعق شطة حامية خمس ملاعق مسطردة
تخلط المقادير فى لتر الماء , ويوضع منها فى بخاخة , ويكون معك دائما. واى واحد يتحرش بيك وجهى البخاخ لعينيه وبخى عدة بخات متتالية وسريعة.
هذه التركيبة ستصيبه بالعمى لمدة 15 دقيقة. وبالهنا والشفا.
- راجل قام من النوم على صوت زعيق سأل الجيران ايه اللى حصل قالولوا الميه مسمومة. مراته صحيت وبتسأله فيه ايه ؟ قالها مفيش حاجة اشربى ونامى.
- صحفى لدكتور فى مستشفى الامراض العقلية : حضرتك ازاى بتعرف اذا كان المريض مجنون فعلا ولا مجرد تعبان نفسيا. الدكتور : بنعمله اختبار البانيو. الصحفى : واللى هو ؟ . الدكتور ك بنملى البانيو ميه على الاخر . . وندى المريض ملعقة وكوباية وجردل . . ونقوله فضيلنا البانيو ده من الميه. الصحفى : وطبعا لو استخدم الملعقة او الكوباية يبقى مجنون لأنه مفروض يستخدم الجردل. الكتور : ممم هو عامة العاقل هيرمى ده كله ويشيل سدادة البانيو . . تحب اوضتك عالشارع وى تبص عالجنينه.
- عن حالة مصر:
بيقولوا ان الامريكان اخترعوا اذكى جهاز كمبيوتر فى العالم وحبوا يجربوه. فجابوا واحد تونسى وواحد ليبى وواحد مصرى وقالولهم اسألوا الكمبيوتر عن حاجة فى المسقبل. التونسى قال للكمبيوتر حال بلدى هينصلح امتى ؟ الكمبيوتر : بعد 8 سنين. التونسى عيط. الليبى للكمبيوتر : حال بلدى هينصلح امتى ؟. الكمبيوتر بعد عشرين سنة. االليبى عيط. المصرى : حال بلدى هينصلح امتى ؟ الكمبيوتر عيط.
- واحد اخنف حظه وحش قوى وقع فى حفرة وفضل مستنى لغاية ما واحد جه , وعلى حظه كان اخنف برضه. الاخنف اللى فوق قال . . استنى شوية هاطنعك دنوأتى. اللى فى الحفرة فاله نبنا يخليك بسنعة . . اللى فوق قاله وكمان بتتيأ عليا شوف مين هيطنعك.
واخر الطرائف هو كاريكاتير اجنبى :
عن طفل صغير اضاع امه المنقبة فى المركز التجارى فوجده احد المشرفين وسأله عن اوصاف امه. فأجاب الطفل باكيا : لا اعرف ياسيدى فأنا لم اراها قط.

#مجدى_زكريا (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل