مية دقيقة حداد

زهرة الشمس محمد

الحوار المتمدن-العدد: 3812 - 2012 / 8 / 7 - 12:25
المحور: كتابات ساخرة
    

مين اللى خلاكِ
تقلعى توب العلم
ولبسك توب السواد؟
يعنى تطلعى من ثلاتين
سنة حزن
تدخلى على مية حداد!
كان ذنبه ايه ابنك
اللى على حدودك
سهران يحرص فيكِ
محافظ على عهودك
اتاخد منك فى لحظة
غدر وخيانة
كان مستنى لحظة
فطاره المغربية
مش واخد اى خوانة
ما كانش عارف
انه دمه هايتهدر علشان
ناس مأجورة جبانة
ناس لا تحفظ عهد
ولا تعرف امانة
لملمى حزنك
يا ام الثوار
ودورى على ثوارك
اللى اتهانوا بين الجدران
علشان طالبولك بالحرية
اتسجنوا من غير دية !
علشان طالبولك
بالعدالة الاجتماعية
النتيجة انهم اتظلموا
واتنسوا بعد ما نلتِ الحرية !
*****
الصراحة..الصراحة
فيكِ تناقض عجيب يا بلد
بدورى على دم عيالك
اللى على الحدود؟
ده انت مش قادرة
تفكى اسر
اللى حروركِ من القيود!
ولا ثوارك المحبسوين
ما لهمش ديه!!
ليه عايزه تنسيهم؟
ليه بتهمليهم؟
ليه بيلهوكِ عن القضية؟
*****
الصراحة..الصراحة
فيكِ تناقض عجيب يا بلد
تفرجى على اللى
واخد اعدام ومؤبد!
وتنسى اللى وقف فى الميدان
فيكِ يتسحل و يتهدد!
ودلوقت لبستِ توب السواد
علشان اتغدر بولادك
على حدود البلاد؟
طيب عدى غنامتك
وفكى اسر اللى فى القيود
ولملمى حواليك عزوتك
اعدلى ميزانك المقلوب
ترجعلك هيبتك
والصغير والكبير
يرد غيبتك
اعدلى ميزانك يا بلد
*****
الصراحة..الصراحة
فيكِ تناقض عجيب يا بلد
مش عارفه اعزيكِ فى
اللى ماتوا على الحدود
ولا اعتب عليكِ
فى ثوارك اللى
اهملتيهم فى القيود
*****
الصراحة ..الصراحة
ماتزعليش من
الكلام اللى بيوجع
ما هى أم الثوار
برده موجوعة
لما تشوف المحكوم
علية بالمؤبد والاعدام
خارج تمام تمام
وابنها الشاب الهمام
اللى حرصك فى الميدان
صبح يفطره السجان
مش هى برده أم
وأنت أم !
ولا أنت شايفة نفسك أم
وأم الثوار نصف كم !
انصبى ميزانك يا بلد
وشدى حيلك بثوارك
مع كل شدة حيل
وثائرهمام عزم جديد
واصرار جديد يتولد
شدى حيلك يا بلد
*******

#زهرة_الشمس_محمد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل