بلدى بعد ما العسكر عشش فيها

زهرة الشمس محمد

الحوار المتمدن-العدد: 3555 - 2011 / 11 / 23 - 13:05
المحور: الادب والفن
    

صحيت بأدور على بلدى
لاقيت العسكر معشش فيها...
قالوا طهريها
قلت وإيش تعمل الريح
فى بلد الدببه
وغربان العسكر عشتت فيها!
قالوا حامينها....
قلت حاميها حراميها
قالوا بتبالغى!
قلت خدوا عينى
اللى أتعميت بالغاز شوفوا بيها
قالوا قاسيه
قلت خلى رصاص الخرطوش
يدخل من رجلك
يطلع من اللى جنبيها
ساعتها هأتعرفوا...
أنه فاض بيا وبيها!
قالوا خليكى ساكته
قلت وبطنى...
من الحسرة فين أفضيها!!
قالوا خليكى مسالمه
وإمشى جنب الحيط
قلت مشيت على
الخراطيش...
لحد ماجسمى أتهرى بيها!
قالوا هأتروحى على فين؟
قلت على أصحابى فى زينهم
ماهى الجثث راحت
ومش لاقيها اللى يؤيها
خدعوك يا شهيد
وجثتك مافيش ولا خشبه
راضية بيها!
أصل الشهيد بقى
عندهم بلطجى وحرامى!
من يوم حاميها
ما بقى حراميها
طفح الكيل يا بلد
وعايزينى أكرها وأسيبها
طيب أروح على فين؟
قالوا روحى على بلد جنبيها
وحلفت ماسيبك يا بلد
غير لما السلطه
تروح لأهاليها
وحلفت ما سيبك يا بلد
حتى لو صفوا دمى
نقطة نقطه
المهم أنه يتقطع
نَفسى وأنا فى أراضيها
وساعتها هأسيبك
يا بلد وكل حلم الشهيد
أن السلطة تروح لأهاليها
أصل عاشقك يا بلد
وطالب القرب منك فيها
ومهرك يا بلد
إن السلطة تروح لأهاليها
قلت غالى يا بلد
ودمى حنتها
وكفنى توب زفافها
بس قولى يا بلد
قبلت السلطة تروح لأهاليها
قبلت السلطة تروح لأهاليها
وقبلنا الشهادة يا بلد
فدا تراب أراضيها

#زهرة_الشمس_محمد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل