يا طير الشهيد

زهرة الشمس محمد

الحوار المتمدن-العدد: 3452 - 2011 / 8 / 10 - 09:53
المحور: الادب والفن
    

ليه يا طير الشهيد
يا عالى فى السما
صرختك مكتومه!
دمعتك صامته
وحايرة مغلوبه!
نزل عليك الحجر
قسمك ولا أنت قسمته!
من عزيمتك المفتوله
يا طير الشهيد يا حاير
مين حول زئيرك فى الميدان
إلى سكتة دماغيه
غير مقبوله!
مين اللى حول
شقشقة فجرك
إلى عتمة الليل
اللى مش مفهومه؟
قولى يا طير!
ولا حرجوا عليك الكلام!
ولا توهوك من الخوف
وسط الصفوف والزحام؟
قولى يا طير وبوح
ولاخلاص.....ولا خلاص
مع السكتة خلص الكلام!
ياترى يازعيم الميدان
خلص الكلام من وفائك؟
و لاسكت من الإهمال!
ولا الهدف نرجع
يا ناس لنفس النظام؟
يا طير يا حاير
صرح وبوح
ولا خلاص نسيت الكلام!
ماتخافش يا طير
هنذيع كلامك مع كل آذان
وبالحجر اللى سكتوك
هاننقش عليه بداية
تاريخك يا محسن يا إنسان
*****
زهرة الشمس محمد فى رثاء الشهيد العباسية محمد محسن

#زهرة_الشمس_محمد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل