زهرة الشمس محمد
الحوار المتمدن-العدد: 3777 - 2012 / 7 / 3 - 01:01
المحور:
الادب والفن
يا غربة ياللى
معلمة فينا
غيرتى معالمنا
خدتى دفى ليالينا
بتمر ساعاتك سنين
والليل طويل طويل
على المحرومين
ندور على الضحكه
ما تجيش
والدمعة نازله
تجرى ولا تستحيش
ليلة نبكى
على ذكرى الأحباب
وليلة نبكى
ونفتح باب العتاب
بعد ما اتنسينا
من الأحباب
ومسحوا أرقامنا
الأصحاب
****
يا غربة ياللى
أولك رنة تليفون
واخرتك وشوش
بميت لون ولون
****
ملعونة يا غربه
بدون أحباب
ملعونة يا غربه
فى كل كتاب
ملعونة يا غربه
بدون أصحاب
****
يا غربة ياللى
مدفوع تمنك مرتين
مرة من العمر
ومرة من العين
حزين أنا يا غربه
حزين أنا يا غربه
ومش عارف
واخدانى على فين؟
ومش عارف
واخدانى على فين؟
****
#زهرة_الشمس_محمد (هاشتاغ)
كيف تدعم-ين الحوار المتمدن واليسار والعلمانية
على الانترنت؟