يا عم طنش وكل عيش

زهرة الشمس محمد

الحوار المتمدن-العدد: 3802 - 2012 / 7 / 28 - 21:16
المحور: كتابات ساخرة
    

اوعى تقولى
يا صاحبى
انه اللى يشرب
من نيلها يرجعلها!
ده كلام فارغ
نضحك بيه على غيرها
لكن ما نضحكش بيه
على شعبها
إفتح زنازينك
وعد كام واحد
شربوا من نيلها
وماشافوش
تانى أرضها
ولا أقولك ايه؟
وهاتفتح زنازينك ليه ؟
ماتسيبهم فى الزنازين!
ويجى عليهم رمضان
فى الحر ولا يجيش
دول شوية ثوار
راحوا للثورة بقشيش
وايه يعنى لما يتحبسوا
حتى لو على مافيش
لكل ثورة ضريبة
يا صاحبى
وكل اللى نقدر
عليه نبعتلهم
ربع حلاوة
وبخمسة جنيه عيش
آه يا زمن الحلاوةI!
آه يا زمن العيش!
راحت فين مليونياتك
يا صاحبى
اللى كانت على الفاضية
و على المليانة؟
ولا أقولك ايه؟
ماهى القدرة
طافحة ومليانة
هأقولك ايه ولا ايه؟
طيب خليهم
خلف الأسوار
مع المجرم
والبلطجى والسكران
وفى آخر الليل
يقولوا تهمتك ايه؟
يرد الثورجى
على المجرم البيه
أصل الثورة اتسرقت
منى وراح عمرى
على مافيش يا بيه!
هأقولك ايه ولا ايه؟
انا هأقهر نفسى ليه؟
يا عم طنش وكل عيش
اصل بتاع المليونيات
دلوقت بخ مافيش!
واصحابنا اللى
فى الزنازين
معاهم يا صاحبى
رب كريم
معاهم يا صاحبى
رب كريم
********

#زهرة_الشمس_محمد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل