مخنارات من دفتري القديم(سباني الشوگ)

حيدر الحيدر

الحوار المتمدن-العدد: 3756 - 2012 / 6 / 12 - 01:45
المحور: الادب والفن
    

مختارات من دفتري القديم (سباني الشوگ )
ــــــــــــــــــــــــ
يل تنشد علَيْ هاك إسمع أخبـاري
سباني الشوگ ضَيَّع مني افكـاري
***
يل تنشد علَيْ ما ظن إلي چارهْ
چواني الشوگ بگليبي تشب نارهْ
أسير العشگ محدر يعلـم أسرارهْ
وأنا بهل گوم محد يعرف أسراري
***
رماني العشگ تايـه بليـل أظلمْ
بضوه الگمريهْ لو أغفه أتم أحلمْ
اشوف هواي حلو الثغر والمبسمْ
يسليني ويطفـي جمرتي وناري
***
لحظه ينتهي حلمي وأظل أسهرْ
والنجمات توعدني بحلـم أخضرْ
تغازلني وأشـوف الگمره تتنورْ
طرب صفگه وهلاهل أسمع بداري
***
وأفز تعبان حاير هايـم الأفكارْ
لَـو ِن الكون مليان بلغز وأسرارْ
ظلام الليـل ما ينزاح فد مشوارْ
يمتـه الفجر يفرش درب مشواري
***
صرت مجنون محد يدري بأحواليْ
إنهدت حياتي وضاعت آمـاليْ
چـا يمته الزمن والوكت يصفاليْ
يمته تعود تزهي الفرحه بأشعاري
ــــــــــــــــــــــــــــــــــــــــــ
حيدر الحيدر
12 / 9// 1970
نشرت مقاطع منها في جريدة الراصد / العدد 78
الاحد 1 / آب / 1971

#حيدر_الحيدر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل