دراما يومية

عبدالله صقر

الحوار المتمدن-العدد: 3731 - 2012 / 5 / 18 - 20:08
المحور: الادب والفن
    

دراما يومية

ومعاناة شعبية

لمواطن كادح

وكأنه عايش فى البرية

هى زى تمثيلية هزلية

أو مسرحية درامية

بنعيشها كل يوم

مع الشقى والهموم

فى مكابدة ومعاناة

كل يوم :

تمشى فى الشارع

تلاقى وشوش تايهة

وملامح من الهموم شاردة

وكأنها خارجة من عدم

ماهو ده من المعاناة والآلم

وأنت ماشى تلاقى الآسى

مرسوم على ملامح الناس

وكأن كل واحد شارب له

كام كاس

ناس ماشيه دايخة من الهموم

من كيلو اللحمة أبو سبعين لحلوح

والرغيف وأنبوبة الغاز واللى موش مسموح

والجنية اللى أصبح مجروح

دى معادلة وبسيطة يا ناس

ويااللى هم بيقرروا مصايرنا

واللى أخترناهم بضمايرنا

خللوا بالكم إن فيه مواطنين

مطحونين طوال النهار

وألهبتهم جنون الآسعار

وكأنهم عايشين جحيم ونار

وزحام على طوابير العيش

ما تقلش ده طابور جيش !

والآخر نطلع على مفيش

نطلع من زنقة ندخل فى زنفة

كل حاجة أصبح فيها طوابير

حتى البوتاجاز والبنزين

الناس قالوا ثورة قلنا أمين

كل يوم عايشين فى حرب

زى حرب الهكسوس وفلسطين

والمسؤولين التى أخترناهم

أنصرفوا عن قضايانا اليومية

والناس حاسة بمصيبة قوية

وفقر وحيرة كانت متدارية

من رضاع الكبير

ولمضاجعة الوداع

وللأسف الشعب حاسس إنه ضاع

يا قلبى لا تحزن

يا جماعة ما تخلوناش نحس

بأن الظلم شاع

ناس بتصيف فى باريس

وشرم والغردقة

وناس عايشة متبهدلة

وناس عايمة فى المجارى المتفجرة

وشايلة ملابسها ومشمرة

وناس من الهموم متحيرة

المعناة دى كل يوم بتزيد

يا جماعة إحنا موش حديد !!!

عيشوا معانا شوية

عشان الناس تعرف تعيش

وعشان الناس عليكم ما تدعيش

أنا مصرى وأبوى مصرى

وجدى كمان مصرى

ودمى مصرى

ومعايا تذكرة مرور مصرى

وكل نبضة فى عروقى

بتقول أن أنا مصرى

يا جماعة شوفونا بمنظور عصرى

#عبدالله_صقر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل