النص التحتاني

مصطفي النجار

الحوار المتمدن-العدد: 3684 - 2012 / 3 / 31 - 00:29
المحور: مواضيع وابحاث سياسية
    

النص السلفي من أجسام البشر يلعب دورا كبيرا ومهما للغاية في حياتنا كلنا بلا استثناء ولولاه لما استطعنا أن نتكاثر أو أن نتنقل من مكان لأخر أونضرب من أمامنا بالشلوت مثلا، لذلك فله دور كبير في تحريك باقي أعضاء الجسم وأنا استنكر من يسيئون لأهمية هذا النصف بالتحديد ويميزون النصف العلوي عليه بدعوي أن به المخ الذي ميزنا به الله على مخلوقات أخري لكن يا سيدي أحب أقولك إن المخ موجود حتي عند لامؤاخذة الحمار ومش المشكلة في وجود المخ إنما المشكلة في تشغيله بشكل صحيح لان النصاب بيشغل مخه كويس جدا والنتيجة إيه فلوسك وفلوسي بتتسر عليه إيديه وبمزاجنا واحنا مش حاسين، زي ما مبارك وشلته سرقوا البلد بمزاجنا وقدام أعيننا واحنا حاسين وكمان شايفين ومش قادرين نسأل هما بيعملوا ايه؟

إذن النص الفوقاني مينفعش يحكم حياتنا لوحده لازم له النص اللى تحت لانه بيعمل حاجات كتيره مفيدة ولذيذة كمان!. وتركيز الجماعات الإسلامية على النص ده اهتمام في صميم التطور الإنساني وإعلاما لوصايا القرآن والرسول كمان، عشان اللى بيعترض يحط لسانه في فمه ويسكت، وفكرة إنهم يخلوا الست زي الجارية فمش مهم ده فيه فوايد كتير للراجل، أولها هتروح تلاقي رقاصة متحركة في البيت، وطباخة جامدة كمان، وممكن تشتغل أبوشن جديد في الست اللى في البيت عندك وتخليها تحل لك مشاكل وذلك مشروع بالتعاون مع اليابان أو الصين إعمالا بالحديث اللى بيقول "اطلبوا العلم ولو في الصين"، وطبعا الحديث محددش العلم شكله إيه، وطالما العلم هيخدم الراجل والست بالشكل ده هيبقي من الضرورات، ومعروف شرعاً ان الضرورات تبيح ايه؟ تبيح المحظورات؟ وبالتالي جنابك هتتمزج وتبقي عيشتك عال العال.

كلامي ليس للاستهزاء لانه واقع وفي ناس كتير بتعمل على جعل الست ماكينة لممارسة الجنس وتفريخ للعيال وياريت لو كانوا العيال دول رجاله لان البنات بتجيب العار لأهلها ، وممكن تمشي مع واحد ابن حرام ويلعب في دماغها ويمسك ايديها ولما يمسك ايدها يقدر يذل اللى جبوها. نرجع تاني للكلام عن النص التحتاتني ولازم الناس كلها تعرف ان تكريس المدعين باسم أي دين للاهتمام بالجزء ده دون غيره من الأجزاء ينم عن حرمان وتدين، فأما الحرمان فهو من كتر الابتعاد عن الملذات إلا اختلاس النظر والتفكير اللى محدش يقدر يعرفهم، وأما التدين من خلال الصلاة والتقرب إلي الله والانشغال بالعبادة دون العباد، لذلك فهم يردون أن يعوضوا النقص! دماغي هنا تبتدي تشتغل من النص الفوقاني لانه بيحقد طبعا على النص التحتاتنمي وتسأل السؤال الجامد، وهو ازاى هيرضي عضو من أعضائه ويغضب ربنا بما انه كان عايش عشان يتعبد دول هيبقي عايش عشان يتعبد ويهتم بعضو حساس اوووي عنده؟
الإحساس بالنص التحتاتني شيئ جميل لا ينكره إلا جاحد وكلنا نسعد بالتفكير فيه لكننا تربينا أنه من المحظورات التي لا يجوز اللمس أو الاقتراب أو التصوير ولذلك تنتشر صور جنسية فاضحة جدا لفتيات محترمات على شبكة الانترنت ليس لسوء الأخلاق بل لتحدي تربية بنيت على المحظور ومحاربة كل مسموح. لذلك هربنا من واقعنا واختار الغلبة مننا كمصريين ممثلين التيار الإسلامي السياسي لنهرب من واقعنا مرة أخري حتي أن كاد الجميع الآن يضرب نفسه بمليون جزمه بسبب اختيار أولئك المنافقون.

#مصطفي_النجار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل