الحياة فى ظل الفساد

عبدالله صقر

الحوار المتمدن-العدد: 3644 - 2012 / 2 / 20 - 13:39
المحور: الادب والفن
    

ناس كانت عايشة فى قصور

وناس كانت عايشة فى قبور !!

وناس بتشرب خمــور

و ناس بتأكل الكارى

وناس بتشرب مياه مجارى

ولو أتكلمنا قالوا لنا هو ده اللى جارى

جابوا لنا أكل مســــرطن

طعام مليان أشعة ومعفن

كل ده عشان الفلوس

ماهو الفلوس ممكن تشترى النفوس

النفوس عندهم زى الناموس

وممكن بالفلوس تقدر على الضعيف تدوس

أكلونا عيش حاف وسرقونا ولا حد شاف

ونومونا فى البرد من غير غطا

وهم متغطيين بمليون لحاف

هم أكلين وشبعانين

وإحنا للخبز موش لاقيين

ومن الجوع متألمين ومتعذبين

عيشونا فى الهم والغم ده سنين !!

وكنا من الخوف ساكتين وراضيين

وكنا بنشوفهم لآعظم السيارات راكبين

ما تقلش دول بشاوات !!

لابسين أحلا الثياب , وإحنا أجسامنا

عريانة عشان تأكلها الذئاب

وعشان تنهش فينا الكلاب

..............................

من أمتى وإحنا كنا معاهم شبعانين !!

من أمتى وإحنا كنا معاهم مستريحين !!

طول التهار زى المكن دايخين

ماهو الشقا مكتوب على الجبين

دا الشقا معانا عمره مئات السنين

طول عمرنا مع الزبانية متبهدلين

واللى كان يتكلم تبقى سنينه طين

وفى النهاية يبقى من المجهولين

أو يبقى إسمه مجرد ذكرى فى المقابر

أو ضمن جماعة المساجين

هو ده كان حالنا إحنا الناس الطيبين

عشان ما كنش فيه ديمقراطية مع الفاسدين

كانت أيامنا كلها عايشينها مكسورين

ودى كانت خطة عشان نفضل مذلولين

#عبدالله_صقر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل