برنامج منو مفتهم شي

رباح حسن الزيدان

الحوار المتمدن-العدد: 3609 - 2012 / 1 / 16 - 14:07
المحور: كتابات ساخرة
    

اهلا وسهلا بكم في برنامج ( منو مفتهم شي ) والذي تشاهدونه اسبوعيا من على شاشة قناتكم المفضلة والذي يعنى بالشأم السياسي العراقي ودون ان يترك شاردة وواردة دون ان يأتي على ذكرها .
في البداية احب ان ارحب اعزائي المشاهدين بضيفي العزيز الدكتور ( مفتح باللبن ) المحلل الاستراتيجي الكبير والخبير بالشأن السياسي العراقي , بكل خباياه واسراره وتداعياته ومربعاته , ومفاجأته التي ما انزل الله بها من سلطان ..... اعزائي المشاهدين فاصل ثم نعود لنسأل ضيفنا الكريم وهو يجيب .
( اخوان اني ما اجذب عليكم من سمعت اسم الدكتور كلت لازم اتابع البرنامج واشوف هذا المفتح باللبن شراح يكول , المهم بعدين اكمللكم بدأ البرنامج ) .
مقدم البرنامج : دكتور مفتح باللبن قبل ان نبدأ حديثنا أود أن اعرف انتمائك السياسي ؟
الدكتور مفتح باللبن : يا انتماء .... اني ما انتمي لهذولة الزبالة ــ يقاطعه المقدم بقوله دكتور رجاءا بلا الفاظ طايح حظها .
المقدم : دكتور , ما رأيك بسياسة الانقضاض الكلي التي يتبناها المالكي للأطاحة بخصومه السياسيين ؟
( اني بصراحة كيفت على هذا السؤال , وكاعد انتظر شراح يجاوب هذا المفتح باللبن )
الدكتور : اخي هذا يريد يعتقل كل واحد لا يحمل ولاء لولاية الفقيه , راح يحطهم كلهم جوه , ومثل مكال الدكتور أياد علاوي أحنه دنعيش بأخطر مرحلة يمر بيها العراق .
( اني من يمي كمزت هذا طلع يحب علاوي , لعد وينك وين جروخك ابو ما عندي انتماء وزبالة , هزلت اي والله هزلت )
المقدم : اذن دكتور مفتح باللبن , الواضح من كلامك بأنك تؤيد الدكتور اياد علاوي ؟
( اي بعد بيتي هذا خوش مقدم شوف شلون ضربه على حلكه , هااا شرا تكول ابو زبالة )
الدكتور : دشوف هذا الغشيم لك بابا يا علاوي يا بطيخ هاي شيوجعك , عيني هذا فد واحد بس يسولف ومكضيها بلندن .
( اني أفتر راسي هذا شديسولف , أخاف هذا الجاي الدا اشربه مغشوش , مغشوش شنو عرك هوه )
المقدم : دكتور الرجاء احترام القناة والجمهور وبلا هاي الالفاظ التعبانة ..... طيب وما رأيك بقضية الهاشمي ؟
الدكتور مفتح باللبن : اكلك انت مبين عليك جديد بالكار ....
المقدم : دكتور انت في برنامج محترم شنو كار .
الدكتور مفتح باللبن : اسمع وليدي خلي اطلعلك بالنظيف ولتقاطعني :
ـــ ابو اسراء طلع ملف الهاشمي , وعنده بعد كومة ملفات ... بشرفك هاي مو خوش نكتة شنو عنده كومة ملفات , هذا يسموه ( لوي اذراع ) يعني الحباب ويكله اي يعوفه والمو خوش ولد يذبه جوه , كاعد يساوم بدم العراقيين هذا .
ـــ الهاشمي صار كبش فداء وطلعت براسه المكرود وهمه كلمن مسويله الف بلوه سودة , بس الهاشمي مسكت اي مسكت ثاني يوم الانفجارات بكل مكان , وهم البلوة واكعة براس العراقيين .
ـــ مام جلال اكبر حيال , يلعب عالحبلين وعنده قضية كركوك والمادة (140) من الدستور , اذا ابو اسراء نطاه كركوك يبيع ابو الهاشمي , واذا منطاه ميسلمه الهاشمي لو يجي جده .
ـــ وعلاوي بس يصيح , اهدد واقاطع واناقش واعتصم واعيد الانتخابات , عمي متعتصم ياهو اللازمك , وعيد الانتخابات عيدها قابل شراح يصير هم نفسكم ترجعون بقدرة قادر ونفس الطاسة ونفس الحمام .
( اني زهكت وطكت روحي وطفيت التلفزيون , لعد منو بيهم الزين , هي وحده من اثنين لو هذا المفتح باللبن اثول لو الجاي الدا اشربه مغشوش )

#رباح_حسن_الزيدان (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل