يوم 25 ...

محمد السعيد أبوسالم
(Mohamed Elsaied Abosalem)

الحوار المتمدن-العدد: 3595 - 2012 / 1 / 2 - 17:33
المحور: الادب والفن
    

25 يناير
إنزل وكمل ثورتك
إنزل وقول كلمتك
إنزل وريهم قوتك
بيحولوا للخوف يرجعوك
فإنزل وعرفهم إن الخوف مات
وراح زمن السكات

بيقولوا صمتك رفض للميادين
كرهوك فى الثوره بالرغيف
ورموك فى حضن الوهم أسير
وبعد ما الشمس بإدينا طلعت السما
رجعونا للعتمه بقتل القناديل
قالوا علينا بلطجيه
ورمونا فى زنازين ضلمه
كل حر قال لأ بصوت الزئير
قتلوه
ولما يصعب قتله يصيبوه
ولما الإصابه تتشفي يعتقلوه
ولما البراءه تتكتب يقولوا دا خاين لعيين
يا شعب إصحى بأه وفوق
دا المجلس هو مبارك المخلوع
والمشير سفاح خسيس
ومعاه 19 حرامى
سرقوا البلد
وقتلوا الثوره فى الميادين
شاهد عليهم ماسبيرو
شاهد عليهم محمد محمود
شاهد عليهم إعتصام المصابين
شاهد عليهم القصر العينى
شاهد عليهم الغاز و السموم
ورصاص حي فى جسد الشهيد
الطالب ومعاه الشيخ
الصليب بيحضن القرآن
والأرض ما تعرف دين
ومات الشهيد
وإتصاب من جديد المصاب
وضاعت الثوره بين مجلس لصوص
وإنتخابات الفلول
وبرلمان المجانين .

يوم 25
إنزل من جديد
ثورتك لسا فاضلها كتير
والنظام لسه موجود بيحكم
وإنت لسه عبد فقير
يا شعب إصحى
لا تنخدع بشعارات الدين
كان فين بتوع الدين
لما أتعرت بناتنا فى التحرير !!
يا شعب لا تنخدع بكلام الجيش
وان البلد هتغرق
وان المجاعه قربت
وإن الثوار بقدره قادر بأوا عملاء
العميل اللى بيقتل ولادك
واللى بيعري بناتك
اللى حرق المجمع وبكى عليه
وعلى الشباب الامل قال ممكن نعوضهم

إنزل يوم 25
إنزل وكمل ثورتك
إنزل وسمعهم كلمتك
إنزل وعرفهم غضبتك
إنزل وكسر قيودك
وإلغى كلمه العبوديه من قاموسك
إنزل يا مصري
قبل ما العسكر يدوسك ....

#محمد_السعيد_أبوسالم (هاشتاغ)       Mohamed_Elsaied_Abosalem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل