مش قادر أمنع نفسي من القرف

أوسم وصفي

الحوار المتمدن-العدد: 3582 - 2011 / 12 / 20 - 12:56
المحور: الادب والفن
    

مش قادر أمنع نفسي من القرف

مين في مصر بتحبسوا؟
يا عساكر جند هكسوس التتار
مين في مصر بتحبسوا؟
يا للي جبتولنا كل ذل وكل عار
بتحبسولنا العلاء ؟
عبد الإله الفتاح
اللي عارف حقه راجع مهما راح
اللي يكتب رأيه واضح من غير ما بيلف ويدور
تحبسولنا لنا ليه علاء؟
وتطلقولنا الكدابين اللي كلامهم كله زور
تحبسوا ليه اللي يكتب كلمة الحق بشرف
مش قادر أمنع نفسي من القرف


مين في مصر بتضربوا؟
يا عساكر جند هكسوس التتار
مين في مصر بتضربوا؟
يا للي جبتولنا كل ذل وكل عار
بتضربوا الكبرياء؟
بتضربوا صوت الأمل والانتماء؟
إبن البلاد اللي وقف يهتف بقلبه للصباح
فجأة يسقط ويفرفط تحت ضربات السلاح
تضربوا ليه اللي هتف كلمة الحق وعرف
تضربوا ليه اللي حابب بلده من غيرهدف
لسه مش قادر أمنع نفسي من القرف

مين في مصر بتسحلوا؟
يا عساكر جند هكسوس التتار؟
مين في مصر بتسحلوا؟
ياللي جبتولنا كل ذل وكل عار
بتسحلولنا البنات؟
مش ممكن تكونوا اللي عبروا القنات
تهتكوا عرض الصبايا والجسد يستباح
واحنا بقوت عيالنا شاريينلكوا السلاح
مش ممكن تكونوا الجيش اللي هتف
الله أكبر.. الله كبر لما جسد البنية اتكشف
لسه مش قادر أمنع نفسي من القرف

مين في مصر بتقتلوا؟
يا عساكر جند هكسوس التتار
مين في مصر بتقتلوا ؟
ياللي جبتولنا كل ذل وكل عار
بتقتلوا مينا اللي وحد القطرين ؟
ولا عماد الدين؟
يعني عايزنّا بلا دين
نفضل دايماً اتنين
مش ممكن تكونوا الجيش اللي هتف
لما طالب طب واقف يداوي عمره اتخطف
لسه مش قادر أمنع نفسي من القرف

#أوسم_وصفي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل