من ادب الانتفاضة الفلسطينية - هتافات المسيرات والتظاهرات - سادسا : من اجل حرية الاسرى

خالد منصور
عضو المكتب السياسي لحزب الشعب الفلسطيني

الحوار المتمدن-العدد: 1038 - 2004 / 12 / 5 - 08:26
المحور: الادب والفن
    

من أدب الانتفاضة الفلسطينية
هتافات المسيرات والتظاهرات

سادسا : من اجل حرية الأسرى

تحيتنا للأسير
للي ناضل للتحرير
**************
يا اسرانا يا ابطال
يا ضحايا الاحتلال
صبرا صبرا عالاغلال
ليل الظلم مهما طال
بدو يزول لا محال
**************
الحرية الحرية
للي ضحو بالحرية
للي ثارو عالذلية
للي تصدو للفاشية
**************
اللي ضحو بالحرية
بدهم منا حملة قوية
**************
اسرى وقدس واستيطان
وحق العودة للاوطان
خطوط حمرا من زمان
**************
طلع الصوت من مجدو
ملف الاسرى بدنا نسدو
يا قيادة علينا ردو
باب الحبس بدنا نهدو
**************
قولو قولو لابو عمار
ما بنتنازل مهما صار
اكبر ذل واكبر عار
يوم نساوم عالثوار
**************
ملف الاسرى بدو نهاية
والمحرر بدو عناية
**************
لا بنكل ولا بنهون
والاسرى جوا السجون
**************
اللي ذبحو دير ياسين
بحكو الاسرى مجرمين
**************
صاحت صبرا يا شارون
دم الشهدا عبا الكون
**************
عهدا منا للمساجين
للاحرار بالزنزين
ما بنتركهم منسيين
**************
شعب بلادي هاج وماج
كله يطالب بالافراج
**************
اما الاسرى محررين
اما نفجر براكين
لاجل عيونك يا اسير
ثار الشعب صغير كبير
والسلام ما بصير
الا بتحرير الاسير
**************
اسرى الشعب بعانو
رغم القيد ما هانو
عهد الشعب ما خانو
ضحو كثير عشانو
**************
لا سلام ولا امان
والاسرى خلف القضبان
**************
يا باراك يا شيطان
شعب بلادي كالبركان
**************
يا اسرانا يا اسود
انتو الرمز للصمود
لا السلاسل لا القيود
لا المدافع لا الجنود
تركع شعبي لليهود
تحرم شعبي انو يعود
**************
حيو الشهدا والجرحى
حيو الاسرى في نفحة
**************
عبد الرازق يا وزير
حق الاسرى علينا كبير
بدهم منا دعم كبير
**************
يا مفاوض مش مقبول
تخلي الاسرى للمجهول
**************
يا مفاوض لازم تصحى
لا تمييز بين الاسرى
**************
ما بنفاوض حتى يكون
كل الاسرى برة سجون
اسرى القدس وطنيين
ضحو لاجلك فلسطين
**************
لا بنكل ولا بنهون
والاسرى جوا السجون
***************
قولوا قولوا لعريقات
احنا شبعنا تصريحات
بدنا نشوف الافراجات
**************
الحرية جايي جايي
وليل الظلم الو نهاية
***************
وينك وينك يا عنان
وين حقوقو هالانسان
****************
شعبي انتفض كالبركان
ويلك منا يا سجان
*****************
معتقلات وزنازين
صنعت منا ثوريين
*************
يا اخوانا في السلطة
جانا الخبر من شطة
وقعو الاسرى في ورطة
**************


والسلام كذبة كبيرة
اذا الاسرى عاشو بحيرة
والجلاد فوق الديرة
***************
ببتزونا هالانجاس
واسقوا الأسرى مر الكاس
راسو بيبي راح ينداس
****************
شعبي اصرخ اصرخ قول
مع الأسرى على طول
لاحتلال بدو يزول
والحرية بدنا ننول
************

#خالد_منصور (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل