من ادب الانتفاضة الفلسطينية - هتافات المسيرات والتظاهرات - اولا : شعارات للشهداء

خالد منصور
عضو المكتب السياسي لحزب الشعب الفلسطيني

الحوار المتمدن-العدد: 1030 - 2004 / 11 / 27 - 08:42
المحور: الادب والفن
    

من أدب الانتفاضة الفلسطينية
هتافات المسيرات والتظاهرات

أولا : شعارات للشهداء

المجد المجد للشهداء
للي ضحو بالدماء
***************
دم الشهدا بنادي
حب الوطن عبادي
***************
شهدا الوطن يا اشراف
شعبي موحد عالاهداف
ما بنساوم ما بنخاف
***************
فلسطين شوفي شوفي
شهدا الوطن بالالوفي
***************
فلسطين اوعي تبكي
انت المجد عنك بحكي
***************
قسما قسما يا شهيد
عن اهدافك ما بنحيد
***************
لفو الشهدا بالاعلام
واعطو عهد الانتقام
***************
زفو الشهدا يا ثوار
وحطو الطلقة ببيت النار
***************


حيو حيو هالشهيد
وامشو يالله ايد بيد
***************
لاجل عيونك يا ايمان
شعبي تفجر كالبركان
***************
بنت الشعب يا ايمان
انت ضحية للعدوان
وينك وينك يا عنان
وين حقوقو هالانسان
***************
الثار الثار الثار الثار
ردو ردو يا ثوار
دم الشهدا بغلي نار
الموت الموت ولا العار
***************
دم الدره يفلسطين
فجر فينا براكين
***************
يا شهيد ما بننساك
انت القدوه للي وراك
***************
دم الشهدا فينا صاح
بدنا نقوم بدنا سلاح
بدنا نواجه هالسفاح
***************
احنا بنرفض لاستعباد
يا حرية يا استشهاد
***************
طفل استشهد ليش ليش
قتلو اغتالو رصاص الجيش
***************
ابو علبة حيو حيو
واللي عملو ما في زيو
***************
يا شارون وينك وينك
وابو علبة خزق عينك
***************
الجوابري روحو بتندا
لانتفاضة ما رح تهدا
***************
حيو بطال العمليات
ارادة وعزم وتضحيات
حيو سامح وبشارات
حيو المدني وعبيات
**************
حيو البطل سعادة
وامشو بدرب الشهادة
**************
بيدي لاكتب وصية
اضرب فجر دورية
****************
يابو النور يا خالد
انت البطل والقائد
***************
يابو النور ما بننساك
كل الشعب عاخطاك
****************

يا شهدانا يا اسود
انتو الرمز للصمود
حكمت ماهر مع عبود
للحرية كانو جنود
*****************
امين محمد مع منير
شهدا ضحو للتحرير
****************
حيو حيو الجمالين
حيو ذكرى البطلين
حيو حيو هالزعيم
حيو القائد العظيم
*******************
شعبي تفجر كالبركان
سقط القائد في الميدان
******************
لاجل عيونك يا رفيق
بدنا نواصل هالطريق
****************
ابو علي يا ابطال
رجل الكلمه والافعال
***************

#خالد_منصور (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل