إحنا جماعات فوضاوية

زهرة الشمس محمد

الحوار المتمدن-العدد: 3481 - 2011 / 9 / 9 - 08:27
المحور: الادب والفن
    

إحنا جماعات فوضاوية
لا قضيتنا مبارك
ولا عز ولا الداخلية
عايشيين فى الوطن
بلا هوية
سواء لابسين
بدلة أو جلابية
نفوسنا تعبانة
وقلوبنا مهرية
مرضى حتى النخاع
وملاينين أذية
ده بيرمى البيبسى
الفاضى من الشباك
وده بيدخن هنا وهناك
واللى يصلى فينا حاضر
يقولوا عليه
جماعات إرهابية
واللى لابسة فينا نقاب
يقولوا عليها
عاملة عاملة ومدارية
واللى تقول باحب العندليب
يقولوا عليها
علمانية وليبيرالية
واللى تصرخ
وتقول كاميليا
يقولوا عليها
سلفية ووهابية
ونفضل سهرانين
طول الليل
نفكر ازاى بكره
هانهرى الناس أذية
ياعالم يا هوو
أرحمونا بس شوية
أنا قلتها من زمان
القضية مش مبارك
ولا الداخلية
القضية فى الناس
نفسها اللى مش هى
ولما نسافر دولة أجنبية
نبقى ذوق وكلامنا ماية ماية
والقوانين على رأسنا من فوق
علشان لقمة العيش
اللى بالدم مروية
ولما نرجع بلدنا
نرجع للفوضاوية
فوقوا يا ناس يا هوو
احنا كلنا محتاجين
تشلنا البلدية
تشيلنا هيلة بيلة
وترمينا فى قلب الميدان
جوة الصينية
وبعدها يصور الأعلام
ويقول الغرب على المصريين
دول عشرة على عشرة
وبيطالبوا بالحرية
يا عالم يا فوضاوية
كفاية كفاية أذية
غيروا من أنفسكم
علشان تنتهى القضية
علشان نقضى
على الفوضى والبلطجية
ونقول هى ديه مصر
وهما دول المصراوية

#زهرة_الشمس_محمد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل