جلسات نفسية 9

عادل ندا

الحوار المتمدن-العدد: 3240 - 2011 / 1 / 8 - 21:20
المحور: الفلسفة ,علم النفس , وعلم الاجتماع
    

الجلسة الرابعة عشر: الإنضمام لمعسكر الأعداء
المريض: أنا اللى طول عمرى مناضل بيدافع عن حقوق الغلابة، أكتشف ان ابنى بيكتب عنى تقارير للمباحث.
الدكتور: وهو ده اللى خلاك تنكسر؟
المريض: هو حر. لانى من مبادئى الحرية. بس دى كانت القشة، اللى قسمت ظهرى ساعتها.
الدكتور: ومشاعرك ايه تجاهه؟
المريض: هو حر وده اختياره. قلت، ما يروح فى داهية. بس لسه بحبه، واتمنى انه يرجع.
الدكتور: وهو الآخر المختلف عدو؟
المريض: بحبه وبكرهه. بس بحبه أكتر. لانى مش متصور انى ممكن أذيه.
الدكتور: أنت عايزه يبقى زيك؟
المريض: بالاحساس كنت عايزه يبقى أمتدادى. انما بالمنطق، هو حر.
الدكتور: وصلت لده أزاى؟
المريض: قلة النضج النفسى والمشاعرى زمان، خلتنى أكره واحد صاحبى، لما أكتشفت أنه زملكاوى.
الدكتور: وانت أهلاوى؟
المريض: لسه بحب الاهلى بس مش بالتعصب بتاعى، بتاع زمان.
الدكتور: وايه اللى كسرك؟
المريض: تصلبت أمام الريح الشديدة. لقيت نفسى بخبط دماغى فى الحيط. رميت نفسى فى التهلكة. دماغى ضربت.
الدكتور: رفعت الراية البيضاء. شكلك استسلمت.
المريض: قررت أنى أرجع تانى بذرة، مستنية المطر.
الجلسة الخامسة عشر: الجنسية المثلية
المريض: عارف قد ايه المثلى بيعانى يا دكتور؟
الدكتور: دليل تشخيص الأمراض النفسية، ما فهوش علاج المثليين.
المريض: أنا مختلف عن المجرى السائد، ومرفوض ومكروه من الجميع.
الدكتور: المثلى زى المشجع لفريق أو المنتمى لدين، ومصدر ده طول الوقت للآخر المختلف.
المريض: بحس أن كل اللى بيقابلونى مشمئزين حتى من وجودى.
الدكتور: مرة قا بلت واحد أهلاوى. وأنا ما ليش فى الكورة. حسسنى بالإشمئزاز تجاهة.
المريض: الناس بتعاملنى بعدوانية مربكة.
الدكتور: المختلف بيبعت رسائل للآخر مفادها، أنا الصح وأنت الخطأ.
المريض: وطبيعى أنى أتوقع الخطر منهم.
الدكتور: وأحيانا بيقول وحتى مش بالكلام، أنا خطأ أقبلنى بخطئى وخطاياى. خلينى أقبل نفسى وأستريح من إحساسى السلبى تجاه نفسى.
المريض: الناس لا تقبل المختلف.
الدكتور: تفاءل بالخير تجده. لو بطلت تهددهم بإختلافك مش ها ينزعجوا منك.
المريض: يعنى مش ها تعالجنى من الجنسية المثلية يا دكتور؟
الدكتور: أنا ما عنديش علاج للجنسية المثلية.
الجلسة السادسة عشر: مريضة الثمنة المفرطة
المريضة: بيقول لى نزلى وزنك، قلت له، طب أزاى؟ قالى روحى لدكتور نفسانى.
الدكتور: عندك نهم للأكل؟
المريضة: لا والله دانا حتى ما باكلش.
الدكتور: وايه رأيك فى العسل الاسود، والمفتقة المعمولة من العسل الأسود؟
المريضة: ما تفكرنيش.
الدكتور: وحارمة نفسك من أيه كمان؟ أنتهت الجلسة.

#عادل_ندا (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل