بغداد مبنيه بتمر

سعيد حسين عليوي

الحوار المتمدن-العدد: 3226 - 2010 / 12 / 25 - 14:19
المحور: الادب والفن
    

بغداد مبنيه بتمر

بغداد مبنيه بتمر -- فلش واكل خستاوي
وليحسب حساب النوى -- يفك حله من علاوي
عاف السفينه والربع -- والگلبه هم سكتاوي
بغداد مبنيه بتمر
***
بغداد اخبرچ بالجره -- حزنان مو متغاوي
وزعوا علينه المكرمه -- بالفيت الكل متساوي
موت وخراب ومفسده -- والوطن هذا الداوي
بغداد مبنيه بتمر
***
نسمع سوالفهم نگول -- شگد حلو وشگد راوي
لاچن حرام بلا صدگ -- والزين بيهم عاوي
لا تلگه ذره من الوطن -- لا شعب عدهم حاوي
بغداد مبنيه بتمر
***
جوي على غفلة وكت -- واحنه بجرحنه نداوي
ركبوا قطار المرحله -- وبالطائفيه كلاوي
ذوله عدل للمزبله -- حسبتهم او يلواوي
بغداد مبنيه بتمر
***
احنه اهل هذا البلد -- منحب شخص متغاوي
انحب اليجيبلنه الفرح -- طيب اساسه راوي
يبني ويعيد الهلبلد -- عافيته للكل حاوي
بغداد مبنيه بتمر
***
اليوم الفقير ابحيرته – تعبان جسمه خاوي
ما عنده شغل ومشغله – امگضيه صفنه گهاوي
شنهي قصته – ما جاله واحد ناوي هلوطن
بغداد مبنيه بتمر
لا عامل الحاله فرح – والفلاح عمره ملاوي
لا الزرع خضر وانتعش – والارض مامش ماوي
ماتت مزارعنه انتهت – تاليه نعمه نخاوي
بغداد مبنيه بتمر

ماوي –السقي السيحي
نخاوي –لهجه مصري تعني مخبل

#سعيد_حسين_عليوي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل