حرامٌ ان ننسى

جواد القابجي

الحوار المتمدن-العدد: 3174 - 2010 / 11 / 3 - 09:33
المحور: الادب والفن
    

الحرامي ايصير شرطي .. ايصير .؟؟؟
او يتربَّع او يگعد عله الكاشير
***********
يو جلاد أمس يصبح عليْ قاضي
معقوله نسينه اشصار بالماضي
ومن نسكت يگولون الشعب راضي
لا والله غلط وشكبره هالتقصير
***********
حراميه اوتناخوا صارت الركضه
وصار اعراقنه كعكه .. ابوسط مرضه
كلمن فاك حلگه ايريدله عضَّه
ضاع احسابنه اوضيّعنه كل تفسير
***************
ضعنه اوبعد مانعرف شنو الغايه
منميّز او منهو رافع الرايه
يريدون العدونه انروح مشّايه
نسينه الجار والتفخيخ والتفجير ..!!
*************
عراقك هذا تگدر بيه تتفاهم
لتعوف الأخو او تركض وره املثَّم
سلالة مردخاي الغرّگتنه ابدم ..!!
تحل المشكله ..!! ابيا عِلم يا تبعير
*************
لا يا شعب لا تأمن القفّاصه
عبيد او همهم الدولار والقاصه
مثلهم بالگلب .. حطّلهم ارصاصه
وهاي الساعه گوم .. احتفل بالتحرير
**********************
[email protected]

#جواد_القابجي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل