عودة البرلمان بلا أمان

جواد القابجي

الحوار المتمدن-العدد: 2866 - 2009 / 12 / 23 - 18:16
المحور: الادب والفن
    

اتگاسِمونه اوصارت إلهم غانمه
والكراسي اتوزِّعت عالحالمه
**************
مادرينه اصواتنه راحت بلاش
لهل الكروش الچبيره ابلا نقاش
والبطانه صارت اغله امن القماش
اتگول حسبالك اجونه امن السمه
************
انتخبنه اوگلنه راح ايصير امان
وضع ديمقراطي حر والعمل حان
تالي حجرة عثره صار البرلمان
عله گلب الشعب ظلَّت جاثمه
**************
اشلون چامنروح يو ما ننتخب ؟
والشعب ميصير يختار اشيحب ؟
طبِّق اشميريد مرجعنه العذِب
والنتيجة اتعود نفس القائمه
***********
نفس الوجوه اويضل نفس الخراب
سنين مرَّت مو بعد كافي عذاب
ظلم تفخيخ او قتل كلسا مصاب
جوزوا حال الناس مو كافي دِمه

***********
كافي اومنريدكم كافي ظُلم
انروح باجر ننتخب ولنه الحكم
حگوگ شعب اعراقنه اللي عندكم
اتعود لازم لو صعدتم للسمه
**************
المهم نرجع ننتخب لجل العراق
نطرد امنلوطن كل انسان عاق
انصير للطيبه تعاون لا شقاق
نبني ونطوِّر السنين القادمـــــــــــه
ونبني وحدة شعب حرَّه او ســــــــــــالمه
**************

#جواد_القابجي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل