رحيم الغالبي
الحوار المتمدن-العدد: 2851 - 2009 / 12 / 7 - 13:27
المحور:
الادب والفن
0الى ادعياء السياسه 0
شعر رحيم الغالبي
يريدون الوطن يابس ، رغيف
ويريدون الشعب بس الهم ارشيف...!!
يموت من القهر...
من يقره تاريخ ،
ويلكي اكثرهم نظيف...!!!
..........
باعوا وأشتروا سوك الغزل –موبرلمان –
ومن كل منائر ..سووا ابيار...!!
ومن اشجارنه الجانت ربيعيه..
سووا كل مواسمنه خريف...!!
.........
ايحارب أهله...زوجته وبنته يريد الها الحجاب
وهو عايش بالملاهي للصبح لابس قناع اسلامي
و بعمره ما قاري كتاب
وايسوي من نفسه شريف...!!
.......
.... ما أريدن من شهادة دكتور هي امزوره..
بس اريدن:
مثل ( حسن السريع )
من العراقي مومثلهم
بس عريف
------------ 7 - 12 -2009
#رحيم_الغالبي (هاشتاغ)
كيف تدعم-ين الحوار المتمدن واليسار والعلمانية
على الانترنت؟