زغرودة نائله والحوار الوطني

احمد عصفور ابواياد

الحوار المتمدن-العدد: 2434 - 2008 / 10 / 14 - 01:34
المحور: القضية الفلسطينية
    

فلسطينيه انا وعن بلدي مابتنازل ، استوقفني هذا الشعار المردد من نسوه فلسطينيات ، واذا بالاخت الناقده نائله بمظاهره نسائيه وعلي المعبر الاتجاه ، تعجبت واقتربت وعرفت علي نفسي واذا بنائله بتقلي شو بهالاسبوع الي غبته لامقال ولا شد الرحال لقاهرة المعز حسب مابيقول زياد ، شو انتم مو كتاب وهم الوطن لكم ماده للاقلام ، لسانها كرباج وهات تفسيرات وليه الكتاب بالخناقات والفتن شاطرين وعن وحدة وطن نايمين ، والحوار علي الابواب وين القلم والقرطاس تيخوض ويجيب هم الوطن والمواطن تيكون امام الكبار ، ولا انتم مو غياري وكبار ، قالت والله مابيجيبها غير نسوانها اذا رجالها نايمين وعلي المشاحنات والخصام شادين ، بقلها وين رايحات شو بدكم تتظاهروا علي فتح المعبر ، قالت شو هالحكي فيه اجتماعات وحوارات لراب الصدع وعودة وئام الوطن ولازم نكون قراب بلكي اخوتنا المتحاورين صحي ضميرهم ، واحنا علي الاسلاك بنصرخ وبنقول يامتحاورين الوطن اكبر من فتح ومن حماس ، الوطن بده نفير ، خلي هم الوطن قدام عينيكوا وبيصرخ فيكم الزعيم والياسين ، حرام عليكم الشهداء بتئن وانتم علي الكراسي متزاعلين ، مابدها فزلكه ولا بدها دواوين وطن بيضيع بتسمعوا يامتحاورين ، اتركوا الولاءات والخيارات الاقليميه والدوليه وخلو فلسطين هي خياركم يامتخاصمين ، بدنا حكومه تقدر تشيل هالحمل الثقيل مابيهمنا شو اسمها وطنيه ولا حزبيه ولا ثنقراطيه ، بدنا حكومة غياري متفقين ، بدنا اجهزه امنيه بعيده عن الولاءات والشخصنه بدها يكون فيها ابني وابنك واخوي واخوك عينهم علي العملاء والمندسين ، بدنا مساواه وعدل ودولة قانون مو فلتان وزعران وعلي الكرسي متخاصمين ، بدنا مرجعية م ت ف هي العنوان ومابدنا غيرها دكاكين ، بدنا سلطه قويه لا سلاح ولا مليشيات بدنا مقاومه فلسطينيه لامقاومه عبثيه وللحارات متسكعين ، بدنا وئام والسفينه علي سكة الوطن تمشي للتحرير ، مابدنا طلاب كراسي ولا زعران بدنا ايدين سمر مشمره للعمل والبناء للشهداء حافظين ، بدنا انتخابات تشريعيه ورئاسيه والحكم للشعب بالصندوق يعطي قراره وانته يامتخاصمين اتركونا نقرر والله لنحفظ عهد الزعيم والياسين ، شو هالشعارات والمفاهيم يانائله ، والله وقف شعر راسي وباقول ممكن ياخدوني علي الزنازين ، بتقلي انا ماقلت لك مايجيبها الا نسوانها اذا ارجالها بالحلم نايمين ، هربت وتركت نائله والحريم علي المعبر رايحيين ، اسمعوا يامجتمعين وبقاهرة المعز هاي بناتكم حالين الشعر ان كنتم وطنيين واسلاميين ، قصوا الشعر وبعتوه للعرب بالجامعه خلصونا والا اللعنه علي النايمين ، حرائر بلدي بيكي يانائله وبالصوت وينكم يامتحاورين ، هل يصحي شعبنا ويبوس المجتمعين ولا يلعن التاريخ من لف ودار علي قضية وطن ، من اجل كرسي لعين ضيع انين نائله والمجتمعين ، وانت يازياد وسماك ود عبدالله والمقدسي انتم اخوه كبار لي معكم حكي بس نعود سالمين ، وانت يامنذر لاتزعل علي شيء بسيط من ميسون اختك معذوره والوطن كبير ، و دمتم ودام الحوار بخيرا ومستمرا حتي الوئام للوطن دمتم مع مودتي .

#احمد_عصفور_ابواياد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل