الضفه الغربيه الي اين الطريق المجهول

احمد عصفور ابواياد

الحوار المتمدن-العدد: 2414 - 2008 / 9 / 24 - 07:41
المحور: القضية الفلسطينية
    

بسم الله الرحمن الرحيم

رمضان كريم تعبان وزهقان والعيشه ماصارت بيها امان الا وهلول الاخت الكاتبه نائله ، بعد التحايا بتقول فوت وشوف شو كاتب كاتبنا وحبيبنا سماك ، فركت عيني وباقلها شو كاتب قالت افتح وطوف وشوف ، فتحت وقريت مقال الاخ سماك وياعيني علي التحليل استاذ والتعليقات شو ، علقت ورجعت للاخت نائله باقولها قريتوا والمقال فوقني كتير وهلا انا النوم طار من عيوني ، معروف عن الناقده نائله قلمها مشرط لابيجامل ولا بيهادن ، ياعيني لما تكون الامور بقضايا وطنيه ، قالت اسمع انت فتحاوي وانا مالي انتماء سياسي شو اللي بيصير ، مش بيكفي درس غزه ولا بدنا الوطن يطير ، حصار وقتل وانقسام وتشرد وضاع الوطن وضاعت القضيه ، شو مال الاجهزه الامنيه والسياسه ، عدلت حالي و قلت اسمعي يانائله هلا انا فايق شو اللي بمقال اخونا سماك لفت انتباهك ، قالت يارجل ماقريت المقال وعلقت عليه وبتسال هيك سؤال ، الضفه بخطر والوطن بينهار وانت بتتمسخر ، قلت لها لاوالله اسمع منك يااميره مش احنا اسسنا حزب النائلاويه ، وحنخوض الانتخابات التشريعيه ، قالت فوق احنا مش بالاحزاب انت شايف انه فيه انتخابات ولا توافق ، قالت قولي هي الاجهزه الامنيه مش تابعه للسلطه السياسيه ، قلت لها طبعا هيك الدستور وهيك بتسير الامور ، قالت لعاد الاجتماع الامني اللي فضحه يارنيع كيف بيصير من وراء الرئيس وين فتح ولجنتها المركزيه ، قلت لها ماهو عنا السلطه ماشاء الله رئيس وكمان كم يوم حندخل متاهة الرئيسين ، ورئيسين وزراء واحد للضفه واحد لغزه ، والاتنين الاختصاصات الكل بيقول انا الشرعيه ، والكل عنده اجهزه امنيه ، عشان هيك الاجهزه الامنيه بالضفه لها رئيس اسمه فياض ، ماهو بيقابل باراك وبيتناقش بالقضايا الامنيه ، صكت خدها وقالت هو خبير مالي شو عرفه بالامن ، فقلت هيك مضبطه هيك بدها ختم ، قالت وشو الكلام الخطير اللي تقال بالاجتماع ، فقلت لازم الرئيس يوقف ويمارس صلاحياته ويبعد الخوف عن دائرته ولازم تكون الاجهزه تحت قراره ولا الشهيد ابو عمار ماكان عارف خطورة اللعبه لما اميركا اصرت علي خروج صلاحيات الاجهزه الامنيه منه ، هو عارف الخطوره مات ومافرط بيها ، تعود الاجهزه للرئيس وبتكون تحت القرار السياسي ، وعلي فتح ولجنتها المركزيه تتحرك قبل البليه ، بيكفي غزه راحت ظايل نلعب بمصير الضفه ويروح وطن ونقعد زي الغربان نبكي علي اطلاله ، لازم يكون موقف حازم من قيادة فتح والا المصايب عليكي يافتح الفاسد بيقولوا فتحاوي المعرص بيقولوا فتحاوي وفتح اخر من تعلم ، اذا ماتحرك الفتحاويون وكانوا اصحاب القرار والوزاره يجب تعود وطنيه لادايتونيه ولا طريق ثالث ولا غيره ، اصحوا يافتحاويه الخطر قادم والضفه ان ماحسبناها صح حنوئد وطن وقضيه ، نائله حزنت علي هالوضع وقالت ياتري بدي اشوف بسمه علي وجه ابني ولا الغمامه تطول اه منك ياوطن لما يتوه ويضيع بين السياسة والامن وانت ياشعبي لايص وغيرك هايص ، وكل عام وانتم بخير ومهزله جديده تحت عباءة وطن .

#احمد_عصفور_ابواياد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل