تاجر بورصه

جهاد علاونه

الحوار المتمدن-العدد: 2386 - 2008 / 8 / 27 - 09:56
المحور: كتابات ساخرة
    

-السلام عليكم.
-وعليكم السلام .
-شو أخبارك يا شيخ؟ ليش بطلنا كل يوم نشوفك زي أيام زمان ؟
-والله مشاغل ..

-لا يروح إنك شغال في البورصه ؟
-أنا ؟أعوذ بالله البورصه كلها أصلا حرام في حرام.
-مين حرمها يا شيخ .
-حرموها كل مشايخنا الله يجزاهم الخير .
-طيب ليش حرموها ؟
- حرموها ..أأأ ..أ...عشانها حرام .

-طيب آمنا بالله إنها حرام ..بس شو الحرام إل فيها ؟
-والله أنا ما بعرف بالضبط ولكن مشايخنا والإفتاء كله حرمها ..

-يا سلام يعني إنت يا شيخ ما بتتعامل فيها ..طيب ماشي مع إيش بتتعامل إنت ززإسمعنا من الناس إنك بتعطي على الألف 11%شو هذا الكلام صحيح؟

-لا والله ما هو صحيح وهذه كلها إشاعات بتطلع عني من الناس أنا أصلا ما بعطي 11%ولا حتى 10%ولا كمان 9% أنا بعطي 5-6%فقط لا غير .
-طيب ماشي شو هذول أبوهن ؟يعني شو شغلهن ؟
-شغلهن كله حلال والله أحل الحلال.
-شو هو الشغل الحلال بدنا نعرفه ..

-أنا بشتغل في الإسكانات يعني إل بده يحط عندي مصاري يجي وأنا بفرجيه الإسكان إل بعمله وكله واضح وضوح الشمس أبدا ما في أي لغوصه .
-طيب الإسكان بده وقت حتى ينتهي ..من وين بدك تعطي للناس أرباح حتى تنتهي مثلا من مشروع إسكان بقعد عام ونصف حتى ينتهي .
-الله بيسر وراح أعطي 50دينار أردني مرابح وأنا أيضا بتاجر في الأراضي وكله بغطي بعضه البعض .

-أي علينا هذا الكلام يا شيخ وين هي الأراضي إل إنت بتشتريها وبتبيعها أي الناس أصلا ما معاها إلناس بتبيع بس أما بالنسبه للشراء ما حدى هاي الإيام قادر يوكل اللقمه من وين بدهم يشتروا أراضي أي أنا بعرف ناس عندهم قطعة أرض في إربد صارلها فتره مش عارفين يبيعوها .
-صح عارف والله عارف بس يا جماعه وكلوها لله الذي لا تنام عينه وإنشاء الله رايحين تربحوا .

-ماشي خلينا نشوف مين هذا الجاي علينا خلينا نقنعلك إياه يحط مصاريه عندك .
-السلام عليكم .

-وعليكم السلام يا أبو محمد..كيف حالك شو ما سمعت بالبورصه.
-أنا مليح أما البورصه فهذا السيخ أبوها وأنا حاطط عنده مبلغ من المال .
-الشيخ :انا ما عندي بورصه وإنت عارف .

أبو محمد:لعاد يا شيخ ما فيها أي زعل إما إنك بتزيدلنا النسبه وإما إنك بتعطيني فلوسي .
الشيخ : لا بعطيك فلوسك أفضل لي والله الغني عنها .
-أبو محمد: طيب السلام عليكم أنا مستعجل .
-مع السلامه .

الشيخ: شوف يا أستاذ أنا إنكشفت بس بعد ما جمعت ثروه كبيره وما بقدر أزيد النسبه الربحيه للناس عشان إذا زدت راح أطلع كذاب عشان هيك بدي أسلمك إلسولافه وإنت تعطي للناس 20% يعني 200دينار أردني على الألف شو قلت ؟
-أف أف هذا إنت كنت بالأول تعطي للناس 50دينار أردني على الألف وتربح 150؟
-لالا أكثر من هيك وما بدناش نضيع وقت أعلن عن نفسك والناس إلرايحه تسحب إفلوسها من عندي رايحين يحطوها عندك وبهيك حاله ما بخسر شيء .

#جهاد_علاونه (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل