رحيم الغالبي
الحوار المتمدن-العدد: 2200 - 2008 / 2 / 23 - 09:57
المحور:
الادب والفن
(الى الفنان المغترب عدنان الشاطي والشاعرالمغترب خلدون جاويد لصورة اهداها لي الى داخل الوطن ...اليساريان الحقيقيان ) **
صوروني .. بالحلم
شايل سلاسل –
وبجيبي الممنوع .... قابل
بس فرح عمري اعله طوله
من يمر شباط لازفة
ولا اسمع هلاهل
لا ..عروس ( الزانية ) الثورات
والفتل اشوارب -حرس قومي – الجايب
من الشام
سلعه البايره
يسموه مناضل
اثمانية من اشباط ....الاسود
مجرم
وجاسوس
خسيس .. و تخاذل
تالي متالي...
بتسعة من نيسان *
صار بسوكه نازل
جوّه من مستوى البحر...
وزبالة قرن
تاريخه شايل
عفية ياضيم العراق ..
بكل شبر بالارض
تبنيلك منازل
رغم هذا اعليك صرّح...
ورغم هذا اعليك شوّه
ورغم ذاك اعليك ...كايل
ورغم كل الغربه
والوحشه
تظل نورس عراقي
بكل بحر
جنحان بيض
لايلوثها الكلام
الكال ..باطل
بقت 14 تموز النبيلة
بكل جفن مرأة عراقية:
مكاحل
انت صاعد
و هوّه نازل
.........
تبقى..
تبقى لبلادك :مشاعل
#رحيم_الغالبي (هاشتاغ)
كيف تدعم-ين الحوار المتمدن واليسار والعلمانية
على الانترنت؟