شعارات لمسيرات ضد الحصار والعدوان على غزة

خالد منصور
عضو المكتب السياسي لحزب الشعب الفلسطيني

الحوار المتمدن-العدد: 2168 - 2008 / 1 / 22 - 08:58
المحور: الادب والفن
    

ضد الحصار والعدوان على غزة


يا ضفتنا شدي الحيل
على غزة طال الليل
************
يا ضفتنا شدي العزم
دمك غزة اطهر دم
************
غزة وضفة الغربية
وحدة دم وقضية
***********
من رام الله بنرفع ضوت
يخس يغزة يخس الموت
**************
شعب واحد لا شعبين
غزة وضفة جناحين
************
بين الضفة والقطاع
وحدة دم ما بتنباع
***********
من شرياني خوذوا دم
حتى غزة ما تنهم
***********
رمز العزة يا غزة
إحنا فيكي بنعتز
***********
يا غزتنا شدي الحيل
ويا ضفتنا شيلي شيل
لازم ننهي هذا الليل
************
شعبي حيي غزة هاشم
علي صوتك ظلك قاوم
**************
يا فياض سماع سماع
كل الدعم للقطاع
*************
بدنا عمل مش دموع
غزة ماتت من الجوع
*************
يا رئيس الوزراء
غزة غرقت بالدماء
*************
بدنا فعل مش كلام
حتى نوقف هالاجرام
**************
غزة عطشت غزة جاعت
ليش النخوة فيكم ضاعت
********************
يا سلطتنا الوطنية
بدنا وقفة جدية
ننصر غزة الأبية
***************
شعبي اصرخ شعبي قول
نترك غزة مش معقول
تركع غزة مش مقبول
********************
بدنا حركة جدية
تنصر غزة الأبية
***************
لا تفاوض لا حوار
حتى يوقف هالدمار
لا تفاوض لا حوار
حتى يرفع هالحصار
لا تفاوض لا حوار
طول ما ببنوا هالجدار
*******************
التفاوض ليش ليش
وغزة انسحقت بيد الجيش
*******************
يا قيادة بكفي بكفي
هالسلام نورو مطفي
بكفي نفاوض بكفي بكفي
لهون وبس بدها وقفة
بلعوا القدس وبلعوا الضفة
*********************
علو الصوت وقولوا لا
لا رضوخ للإملاء
*****************
يا مفاوض اوعى تهادن
اللي بفرط مجرم خاين
*****************
لا تفاوض لا حوار
مع حكومة هالاشرار
طول ما ببنوا هالجدار
وبجتاحونا ليل نهار
****************
وحدة وحدة وطنية
غزة وضفة الغربية
****************
قولوا قولوا يا أحرار
لا لا للحصار
على غزة وجبل النار
****************
يا عباس شعبك صاح
لا لاتفاوض هالسفاح
******************
يا أبناء فلسطين
كونوا كونوا موحدين
******************
وحدة وحدة لا انقسام
حتى ننجز هالمهام
*****************
يا أصحاب الجلالة
بكفي الأمة اهانة
**************
يا أصحاب الفخامات
بكفي الأمة اهانات
*****************
وين العرب وين وين
عنهم الله يخزي العين
من مراكش للبحرين
****************
يا عرب يا مسلمين
بدنا طرد الملاعين
كل السفرا الصهايين
*****************
اغلقوها السفارات
واقطعوها العلاقات
****************
سجل عندك يا زمان
زعما العرب هالخصيان
صمتوا سكتوا عالعدوان
*******************
صاحت غزة بالآهات
يا أصحاب الجلالات
بكفي الأمة اهانات
ارض العزة والثورات
دمروها بالغارات
*****************

خالد منصور
20/1/2008

#خالد_منصور (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل