وحشتيني

ميلاد ثابت إسكندر
(Melad Thabet Eskander)

الحوار المتمدن-العدد: 6535 - 2020 / 4 / 12 - 12:15
المحور: الادب والفن
    

وحتي إن كنت مش شايفك أنا بعيني
يا أمي في قلبي شـوق ليكي مخليني
بـفَّـكـر فـيـكـي مـش ناسي
وأنسي إزاي يا تاج راسي
يا نبض عروقي يا أنفاسي
يا مـالـكـه كـل احسـاســي
*** وحشتيني ***
وحشني الضحك في عنيكي
وحـضـنـك إللــي كان دفيان
ونفـســي في ضـمـه بإديكي
أنا مـشـتـاق لحـضـن حـنان
يا أمي يا دمي يا حـنـيـنـي
*** وحشتيني ***
وحـشـنـي الزغد في إكتافي
يا واد بقي قوم معادك راح
وأشـد بـقـوة فــي لـحــافـي
تناغشيني فـي كـل صـبـاح
وفـي الآخــر تـصـحـيـنـي
تعبتي كـتـير عشان أرتاح

دا أحلي فطار معاكي بجد
وشـاي مظـبـوط يـدفـيـني
وبـسـمـة بـتـتـرسم ع الخد
وبوسه كـبـيـره في جبيني
ودعــوه للـســمــا بـتـمــد
مـشـيـتـي لـيـه وسـبـتـيني
ده بـفـراقـك كـيـانـي اتهد
دموعي في قلبي مش عيني
وحزني شديد ومالهوش حد
وصرخـة شــوق بـتـكـويني

وايـه ب اديا ،،، وب ايـدِك
يا أحلي ذكـــري في سنيني
غير إني أحضن ف يوم عيدك
صورتك وأقولك وحشتيني
*** وحشتيني ***

#ميلاد_ثابت_إسكندر (هاشتاغ)       Melad_Thabet_Eskander#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات