عادل عياد
الحوار المتمدن-العدد: 5533 - 2017 / 5 / 27 - 04:55
المحور:
الادب والفن
قبل ما تنسى أنوثتها
سابت شعرها يغازل إيد العاشق
وأطلقت كل نسائم جسدها
عشان تضم اشتياقه
تحتويه
فبالتالي يحتويها
رفعت إديها في اتجاه الريح
ومررت شوقها على صدره
فردت الفرحه في اتجاه قلبه
وسابت نفسها أكتر
وأكتر حاجه هزتها
لما ضمته بقوه حنينه
ولما ضمها بقوه ماليها الشهوه
عشقته زي ما عشقها
وزي ما بتدوب الشمس في الوجود البعيد
وزي شقشقة الفجر هنا
بدأ فيهم وصول الحلم البعيد الغريب
وبدأ يفوح منهم عطر الحب
وطعم الإحساس بالنشوه
كانت أجسادهم وليده للتعارف
فبدأو يعيدوا بسعاده
ترتيب بازل حياتهم من جديد
" مين فينا بدون خطيه "
وان كانت خطيه
حضنته بشوق
وسلمت ليه روحها
وفارقت الحياه من سكوت
#عادل_عياد (هاشتاغ)
كيف تدعم-ين الحوار المتمدن واليسار والعلمانية
على الانترنت؟