السعوديه وحال مش عم تزبط معي

جان نصار

الحوار المتمدن-العدد: 5114 - 2016 / 3 / 26 - 15:57
المحور: كتابات ساخرة
    

السعوديه وحال مش عم تزبط معي
اكتر من مره يا جماعه كتبت انو اصل البلاء اللي ضارب اوطاننا العربيه هو الوهابيه السعوديه وتبني حكام السعوديه ال سعود هذا المنهج في التشدد والتزمت وصولا الى الارهاب ودعمه.
غير عن دعمهم للارهاب بيتدخلوا بسياسات كل الدول العربيه مش مشان البناء لا بل الهدم وصدقوني لو الجماعه مش متحشرين بشعوبنا وداسين انوفهم في مجتماعتنا وقلبين الفوقاني تحتاني ما اربنا عليهم ولا دعسنا على طرفهم .
بس رغم كل هاد اليوم السعودين في حال مش عم تزبط معنا لان مؤخراتهم تكشفت للجميع بالخارج ومن قبل شعبهم بالداخل اللي قاعد يغلي غلي وبستنى الصبح وفجر الحريه ان ينجلي.
العشرين بطيخه اللي حاملتهم السعوديه وحدي ورا التاني عم توقع لانو الرياح لا تجري كما تشتهي السفن.
الملف السوري اللي هو بداية المسلسل السيناروهات والاحداث عم تتغير وبتبدل مش زي ما ال سعود كانوا مخططين وكل امالهم واستثمارتهم الماليه ودعم الارهاب هم وقطر وتركيا انقلبت على روسهم. ش عم تزبط معي
قولنا ومنرجع منعيد الثورات لا تصدر افهموها يا بهايم.
وللمره المليون انا مش مع النظام وبقول انو الشعب السوري وحده اللي لازم يقرر مصيره .
وهاي عقدة الجبير وزير خارجية السعوديه اللي ولا مره سمعتو انا شخصيا بقول جمله وحدي مفيده بدون ما ينهيها بانو على الاسد الرحيل يقال انو راح تنحل ويمكن الاخ يطير من وزارة الخارجيه على اساس كبش فيدا ويصير في تعديل وزاري اذا ما كان تعديل كراسي حتى للملك نفسه وولي ولي عهده.
البطيخه التاني هي في الحرب مع اليمن اللي دخلت عامها الثاني ودمرت نص البلد غير الابرياء من اليمنين وانقلاب كل الغرب وحتى امريكا على السعوديه والمطالبه بمحاكمات دوليه بانهم مجرمي حرب غير مقاطعات الطلب بعدم بيعهم السلاح.
حتى العم سام الرئيس اوباما ومعظم رؤساء دول الغرب بدئوا بنقد السعودين وسياساتهم بدعم الارهاب ,,, يعني بطلت تقول اني ككاتب فقط نازل طس مقالات نقد لال سعود لانو طلعت ريحتهم وتخنوها والشغله زادت عن حدها.
الحلف السعودي التركي القطري انفرط وكل دوله من هدول التلاتي بتقول لاختها لا تشكيلي ببكيلك.
قطر تحجمت وتحجبت وانزوت وانطوت ومش مسموع حسها .
تركيا اللي كانت ممر وداعم للارهاب ,صفى الارهاب على الابواب وعلى نفسها جنت براقش ونازلي بالاروبين تقارش وانفتحت على باب الاكراد وداعش واشي صار واشي بعدو ما صاريش.
علاقات السعوديه وايران الوضع خربان واثر على العلاقات مع الامريكان.
بالمختصر اليوم الاعداء الخارجين صاروا زي الرز.
مع الغرب وامريكا وايران وروسيا وهاي لبنان وتونس والجزائر والعراق واليمن وسوريا و و و.
بقولوا انهم بحاربوا الارهاب وداعش والوقع على الارض تشير انو داعش بتضرب وين ما كان الا في السعوديه رغم ادعائهم للسعودين غير ذلك .
قبل مده نشر فيديو ست جثث وقالولنا هدول ارهابي داعش ,والدوعاش ما معهم خبر وما اعلنوا مسؤوليتهم كالعادي عن اي تفجير او ارهاب بقوموا فيه.كل هاد مشان يقنعوا الناس انهم بحاربوا الارهاب وما بدعموه.
ليش يا ترى الغرب وامريكا اليوم صاروا علانية بتهموا ال سعود بدعم الارهاب والسعوديه مش شايفي الفضا.
الجبهه الداخليه السعوديه عم تغلي لانه في الوقت اللي يقتل فيه الاف الجنود السعودين في الحرب الخاسره مع اليمن الامراء كالعادى كل يوم واحد تنشر له فضيحه.
المواطن السعودي والجندي يقتل في سبيل الوطن او اذا انتقد اداء العائله المالكه وشي امير يحاكم على قلة الحياء والمخدرات وهاي اخر خبر
http://www.raialyoum.com/?p=412158
الامير عبد العزيز بن سعد بن فهد...بن وعد بن رعد بن طرد بن شهد بن مرد بن بعد يا بعدي بعد يحاكم على تعري ومخدرات وتعريص مشان الوطن.
اكيد المواطن السعودي يشعر بالفخر من سفراء بلاده الامراء اللي قاعدين يمثلوه احلى تمثيل.
في الوقت اللي منظمة العفو الدوليه تطالب بالعفو عن الصحفي السعودي علاء البرنجي اللي غرد تغريدات يقال انها تنقدالاسره المالكه وتحريض الرأي العام اللي طسوه سجن 5 سنوات.
اي والله عيب يا صحافي ويا شيخ شيعي ويا مواطن سعودي ويا رائف بدوي ويا ويا تنتقدوا اداء الاسره المالكه اللي لا بناموا لابليل ولا بنهار وهمي بلهطوا وبنهبوا مقدرات الوطن وبمثلوه في البارات الدوليه وارصدتهم في البنوك العالميه لدعم الاقتصاد العالمي وماثرهم البطوليه في دور البغاء الاروبيه اللي هي في مصلحة الوطن.كتيري منك هيك يا مواطن صحيح انك ناكر للجميل.
شو فيها يعني لو سحلت وعرت فتاة المول في الشوارع على ايدي هيئة المعروف والنهي عن المنكر.
شو فيها لو شابين حكوموا بالجلد لانهم ضبطوا متلبسين بزياره عند امرأه عمرها 75 عام بخلوه غير شرعيه.
بصراحه يا مواطن يا سعودي انك متأفئف ومتذمر اكتر من اللزوم يوم بدك حريات عامه ويوم خاصه للنسوان ويوم للاقليات للشيعه وساعه بدك عداله اجتماعيه وساعه ديمقراطيه وفوق كل ذلك بتنتقد اداء الاسره الحاكمه ارسيلك على بر.
بعد ما صار في تعويم للنفط وخربت اقتصاديات عالميه مثل روسيا وايران وفنزويلا والجزائر ونيجيريا و و و وصار سعر برميل النفط بالاراضي اليوم السعوديه بدها تجميد وتصويم للنفط بعد خراب مالطه.
في فائض نفطي بالاسواق اكثر من مليار برميل مش عارفين شو بدهم يسوا فيهم.
خلال الخمس سنوات الماضيات السعوديه حرقت وخسرت وبددت وصرفت مليارات من الدولارات اللي الاله الحاسبه بطلت تقدر تحسبهم على شراء الاسلحه وتمويل الارهاب ونهب العائله المالكه وتخفيض اسعار النفط بقدر اسعاد ورفاهية كل سكان القريه الكونيه مش بس العرب والمسلمين .
وبيتسألوني ليش انا كمواطن انجنيت والسعودي بضرب راسه بالحيط.
يا جماعه هبلوه للمواطن السعودي صار يحكي مع حالوه ويخاف يحكي حتى مع شي مرا سكريتيره اليه من شي بنك واذا مش مصدقين اتفرجوا
https://www.youtube.com/watch?v=w31ZASZ59Ns
الزلمي بدوش يحكي مع صوت السكريتيره الالي وبقولها اني رجال هاتيلي زوجك اتكلم معاه.
صدقوني لما بكون في هيك اسره حاكمه متخلفه اكيد من ضغطها على مواطنيها بدل نشر العلم والثقافه راح يطلع شي هيك مواطن.
حتى لا يروح الصالح بالطالح ففي السعوديه هناك من المثقفين والمبدعين والمتحضرين وطالبي الحريات بالملاين.

#جان_نصار (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات