الحزن ماضاگ الشَهد

محمد جلاب البديري

الحوار المتمدن-العدد: 4229 - 2013 / 9 / 28 - 10:21
المحور: الادب والفن
    

گوم أنثر بروحي حزن
گد الحزن
وكثر بعد
وچَلچِل الليل أبمهجتي
وخلّي كل الدنيه تفرح
ماكو حَد
وسافر بروحي عشگ صفصاف
بذره تروف جرحي
والجرح
طوفان عَد
عيب تُوگف خلهه تسرح بعد كلّش
والجَزِر يتلاوه ويه
المَد
وعدد بگلبي سِنين أمن القهر
وياقهر يحضن قهر
خلّي أسولف عاليحج بالأحتجاج
وعالتِمَرّد
طعم نيشان البگلبي
يجوي جوياته حزن
شافهن نيشان مرسومه بكحلهن
على الخد
كُبر عُمري وطاف بيه
أمن المهد
هاي فلسفتي عِگب ذاك الزمن
والراح راح وضاع
أبد مامنّه رّد
وماكو ردّاد اليردّك
يگطع أنفاس الهوى
أيدّگ النِفَس
ويْسِده سَد
ياحزن تجرح جرح .. ماتستحي
تعوفه للأيام يطلگ
والمخاض بطرف رمشة عين
يشتد
يولد بروحك جنين
وينتشر طيف السنابل
تالي وين تلوذ
لوفاح الشهد

#محمد_جلاب_البديري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات