زهرة الشمس محمد
الحوار المتمدن-العدد: 3837 - 2012 / 9 / 1 - 10:56
المحور:
كتابات ساخرة
سكت الكلام يا بلد
خلاص سكت الكلام
بعد ما تمكنوا اللئام
واتملت البلد مطبلاتية
اشكال والوان
سكت الكلام
سكت الكلام يا بلد
بعد ما ماتت القضية
سكت الكلام
وبعد الطبل
وبعد الزمر
ضاع تاريخ الميدان
وسكنه التافه والجبان
سكت الكلام يا بلد
وبكت الصورة
بعد ما غاب الثوار
الحقيقين من الميدان
سكت الكلام يا بلد
واتغير العنوان
بعد ما كان ميدان التحرير
بقى العنوان طرة اليمان
سكت الكلام يا بلد
واللى يقول كلمة حق
فيكى يا بلد
يبقى مدان ما فيش كلام
سكت الكلام يا بلد
خلاص سكت الكلام
ولا هأقولك للحديث بقية
ولا هأقولك دورى على
شبابك الغرقان!
ولا هأقولك دورى
على ثوارك اللى فى اليمان
لانى بجد زهقت من
تكرار الكلام
ولحد هنا يسكت الكلام
عاش المطبلتية
عاشوا اللئام
سكت الكلام يا بلد
خلاص سكت الكلام
واللى يقول كلمة حق
فيكى يا بلد
يبقى مدان ما فيش كلام
سكت الكلام يا بلد
خلاص سكت الكلام
***********
#زهرة_الشمس_محمد (هاشتاغ)
كيف تدعم-ين الحوار المتمدن واليسار والعلمانية
على الانترنت؟